جروبز

اضحك على واقعك مع «الضفدع كيرميت»
كتبت - نهى العليمى:
اضحك .. ولو كان الكلام الذى ستضحك عليه صادراً من ضفدع !! فخيال شابين فى الصف الأول الثانوى دفعهما لتقديم شخصية الضفدع كيرميت على صفحة على الفيس بوك، وساعدهما ما يملكانه من خفة الدم والذكاء، ما جعلهما يتفننان فى إلقاء النكت وتأليفها من المواقف حولهما، وفى جمل قصيرة لخصا معانى كثيرة اجتماعية من حولنا .. فلديهما من الكوميديا السوداء ما يجعلك تضحك وتحزن فى نفس الوقت، فكل تهكماتهما وقفاشاتهما تعكس خيبة أمل أو غضباً من المجتمع، أو من الظروف، أو حتى المواقف البسيطة التى اصطدما فيها مع المحيطين بهما فى هذه السن المبكرة، وترجما كل تجاربهما، ومشاعرهما، ونقدهما، لنكت على لسان هذه الشخصية الخيالية . وجمعت صفحة «الضفدع كيرميت» معجبين ومتابعين تجاوزوا ال900 ألف شخص، وذلك فى عام واحد !!
فتناولا السخرية على تعاملات الناس فى بعض المواقف وكتبا فى ناس عشان تعرف تتعامل معاهم .. لازم تكون دارس طب بيطرى !! وعارف الناس اللى وقت الشدة بتقف معاك؟ قعدوا خلاص وأيضاً: فى ناس لازم يدفعولك تعويض أنك تعرفت عليهم، وتهكموا على الأسعار الواحد مش عارف اللى على الهدوم الشتوى الأسعار ولا الكود !! •
نصيحة للأجيال الجاية
أحمد التلاوى أحد آدمنز الصفحة يقول : فكرة الضفدع كيرميت جاءت لنا من نجاحه فى برنامج عالم سمسم، واشتهر جداً فقررنا نعمله بيدج كوميدية، والفانز هما اللى دعمونا طبعاً، ومعى زميلى عبدالرحمن خالد وهو صاحب الفكرة، والنكت ساعات بتبقى من دماغنا وساعات بنستعين ببيدجات تانية، وبنركب النكت ع الصور ببرنامج «Photoshop» وتصل اللايكات على النكتة لأكثر من 10آلاف أحياناً، بل هناك ما وصل ل12000 معجب وهى تحب تنصح الأجيال الجاية بإيه؟ أنصحها ما تجيش!! وكذلك آخر ما كتبناه على الصفحة وانتشر وشيره ناس كثيرة ووصل المعجبون لأكثر من 13000 وفى عز النحس اللى أنت فيه .. ييجى حمار ويحسدك !! •