يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى: [email protected] اللوحات للفنان خالد السماحى رحلة الحياة شعر - محمود عوض الله - قنا دنيا غرورة بتلعب بيك تاخد أكتر ما بتديك يوم بتلاقى حبايبك فيها بكره بتاخد أغلى ماليك بتجمعنا بشوق وحنين وتفرقنا ف غمضة عين ناس بتبيع الناس وبتنسى وناس للعشرة أكيد صاينين واللى بيكدب واللى بيسرق ياما ف الدنيا كتير خاينين لما تقوله ده عيب وحرام يعمل صاحب شرع ودين انت بحالك ليه مش راضى تنزل تطلع تعمل قاضى مش راح تاخد إلا نصيبك كله كلام وتعب ع الفاضى ربك ديما رب قلوب شايف الغالب والمغلوب تعمل نفسك راجل ناصح مش هتنول غير المكتوب احنا ف قطر وساير بينا ياما بلاد بتمر علينا ومهما يطول مشوار السكة لمحطتنا أهو مودينا مهما نلف ومهما نطوف احنا وانت عليها ضيوف ومهما تعدى علينا سنين نهايتنا للموت هنشوف