«آه لو لعبت يا زهر» يشعل الصراع بين شركات المحمول قبل شهر رمضان

اشعلت شركة «أورانج مصر» الصراع بينها وبين «فودافون مصر» التى تحتل المركز الاول فى السوق المحلية بعدد مشتركين يصل الى 40 مليون مشترك وشركة اتصالات مصر التى تحتل المركز الثالث فى السوق المصرية بعرضها المفاجآت للجميع والذى يمنح المستخدم مكالمات ب100 جنيه عند شحنه كارت بقيمة 10 جنيهات.
وقد تفوقت شركة اورانج مصر فى هذا العرض بسبب انها تمنح المستخدم 7 أيام يمكنه خلالها استخدام هذه الدقائق.
وقد أعلنت كل من «فودافون واتصالات» عن نفس العرض واتفق الاثنان على ان مدة الاستفادة من هذا العرض يومين فقط.
فى حين أعلنت شركة أورانج مصر أن عرضها الجديد والمشهور ب«آه لو لعبت يا زهر» وهو فى الاصل يسمى شحنة السوبر، ال10 جنيهاتش بقت 100جنيه.
وتقول أورانج إنه دلوقتى لما تشحن ب10 جنيه، هتاخد بدل ال10، 100 جنيه رصيد تستعملهم براحتك دقايق ورسايل وميجابايتس، بحد أقصى 500 دقيقة ورسالة وميجابايت لمدة 7 أيام.
الدقايق والرسايل صالحة لكل الشبكات، بحد أقصى 50 دقيقة ورسالة للشبكات الأخرى.
للاشتراك فى العرض كلم #1# مجانا واشحن ب10 جنيه او اكتر. ولو معاك 10 جنيهات فى رصيدك، تقدر تشترك من غير ما تشحن.
تقدر تشترك فى عرض السوبر أكتر من مرة خلال فترة العرض.
تقدر تستعلم عن رصيد السوبر من خلال #16# مجانا
العرض متاح لفترة محدودة، لجميع عملاء الكارت وكنترول وبريمو وستار 50 وستار 100.
أما شركة فودافون مصر فقد اعلنت عن عرضها كنترول فليكس عمل أكبر عالم عروض فى مصر
مع عرض 10 اضعاف شحنتك الجديد انت معاك دلوقتى كمان 10 أضعاف شحنتك دقايق تكلم بيها كل الشبكات لمدة يومين.
وقالت الشركة إن الحد الاقصى لدقايق الشبكات التانية 20% من الدقايق.. يعنى لو شحنت ب10 جنيهات وكسبت 100 دقيقة هيكون الحد الاقصى لدقايق الشبكات التانية 20 دقيقة.
وطريقة الاشتراك كلم #80* قبل الشحن بحد اقصى شحنتين خلال العرض
وبينت الشركة ان الدقايق صالحة لمدة يومين من وقت الشحن وتنتهى عند منتصف الليل.
مؤكدة ان تكلفة الاشتراك50 قرشا
وقالت فودافون انه دلوقتى كل ما تطلب #365* هيجيلك عرض مختلف من ڤودافون؛ عروض على الفليكسات أو عروض فى أكبر المطاعم ومحلات الملابس فى مصر وحاجات تانية كتير
مش بس كدة، دلوقتى لما تشترك فى أى عرض من #365* هيجيلك جزء من كلمة فى رسالة ولما تكمل الكلمة دى هتكسب هديتك من غير ما تدفع ولا مليم
كمان هتقدر تتابع أجزاء الكلمات أو تبدلها مع غيرك من خلال الكود ده #10*365* ببلاش
موضحة ان الهدايا المجانية كتير مبتخلصش.. ممكن تكسب تليفونات، تابلتس، وجبات من كوك دور او برجركينج او دومينوز بيتزا أو 10000 فليكس كمان هتقدر تتابع أجزاء الكلمات أو تبدلها مع غيرك من خلال الكود ده #10*365* ببلاش.
أما شركة «اتصالات- مصر» فقد أعلنت عن عرض «اتصالات» اشحن ب10 جنيهات أو أكتر وهتاخد 10 أضعاف شحنتك تكلم بيها كل الشبكات للاشتراك كلم #821* قبل الشحن
وتقدم اتصالات عرض 10 أضعاف شحنتك لما تشحن ب10 او اكتر للاشتراك ابعت رسالة فاضية مجانية ل821 عشان تشترك الأول فى العرض وبعدين اشحن ب10 جنيهات أو أكتر عشان تستمتع بالعرض.
وأوضحت الشركة ان العرض متاح لكل عملاء أهلاً وكنترول الشهرى وتستخدم الدقايق المجانية بالشكل التالى 80% لارقام إتصالات، 20% لارقام غير اتصالات. الدقايق المجانية صالحة لمدة يومين وتقدر تستفيد بالعرض بحد اقصى مرتين بعد الاشتراك.
واشارت «اتصالات» انه لالغاء الاشتراك ابعت رسالة فيها رقم 1 فى رسالة مجانية ل821 خدمة تحويل الرصيد بتبقى موقوفة طوال فترة العرض حتى لو لغيت الاشتراك فى العرض الخدمة بتفضل موقوفة.