كشف حساب شبابي.. احترس الثورة ترجع إلي الخلف

كشف حساب يضم أخطاء ثلاث سنوات من ثورة لم تكتمل بعد.. فيما يبدو أن ساعات الحظر الطويلة أثمرت عن تفكير عميق في أهداف الثورة التي تاهت بين أمواج آحزاب متصارعة ودم شهداء مسفوك روي الآرض ولم يصن عرض.. قاتل ومقتول كلاهما لايعرف للجريمة سبب ووقوانين الدين والدنيا براء منهم.. وللو قوف علي أسباب الثورة وهدفها الأول شرع النشطاء في البحث عن إجابات لأسئلتهم علي مواقع التواصل الاجتماعي فتعرضوا للنقاط التالية:

هو حضرتك كناشط فيس بوكي عملت ايه للبلد وللثورة وللشهيد !؟؟
نزلت اتظاهرت؟ اتضربت؟ شميت غاز؟ جريت من الامن و الاخوان؟
ولولت علي حكم العسكر؟ ولولت علي حكم الاخوان؟
حطيت صورة شهيد و كلمتين حلوين جنبهم؟
اتنحرحت علي الداخليه و الجيش لما كانوا بيضربوا الاخوان؟
شتمت الاخوان بعد كل تفجير او حرق حصل؟
المهم يعني.. استفادنا ايه من ورا سيادتك؟ صلاة النبي؟!!
طيب بالنسبه للمعونه اللي لمها الشيخ حسان و محدش سمع عنها من بعدها و شربناها بمزاجنا.. انما المليارات اللي كان عمال يلم فيها خيري رمضان و كلنا بنطبل وراه و هو بيلم النقطه.. ايه !؟ ها؟ ايه؟؟ فين الفلوس يا خيري؟
ومن اقوال الثورة الماثورة خلال السنوات الثلاث رصد النشطاء الآتي:
هو الجيش المصري ده ينفع ببصلة (حازم صلاح ابو اسماعيل)
المصانع الحربية بتنتج مكرونة (محمد البرادعي)
المخابرات مأجرة 300 الف بلطجي (أبوالعلا ماضي)
اناشد يهود مصر في اسرائيل العودة الي مصر (عصام عريان)
كنت بتغدي الساعة 2 الظهر يوم 6 اكتوبر 1973 (صبحي صالح)
اللهم توفاني علي الاخوان (صبحي صالح)
ع القدس رايحين شهداء بالملايين.. (صفوت حجازي)
لو صرخت امرأة مسلمة واامرسااه سيهب لها مرسي (صفوت حجازي)
من انتخب الاخوان هم من سيسقطونهم (عمر سليمان)
النهضة مشروع فكري وليس اقتصادي (ياسر علي)
مفيش حاجة اسمها مشروع النهضة (خيرت الشاطر)
ال 56734 في الحارة المزنوقة (محمد مرسي)
عزيزي شيمون بيريز أنا صديقكم الوفي (محمد مرسي)
القرد لما بيموت القرداتي بيشتغل ايه..؟!! (محمد مرسي)
يسكت يسكت حكم العسكر (اسماء محفوظ)
قولنا للسيسي ان وزير الدفاع سيكون مدني وتقارير المخابرات ستكون علي مكاتبنا (محمد عادل ب6 ابريل)
انا مش نازل انتخب مرسي انا نازل اسقط شفيق (ثوار اللمون)
ما الوطنُ إلا حفنةٌ من ترابٍ عفِن (سيد قطب)
طز في مصر (محمد مهدي عاكف).
مبارك اب لكل المصريين (محمد بديع)