«الشعب ده مش هيموت موتة طبيعية هيموت موتة «شرعية»

«الشرعية».. هي كلمة السر التي تفتح أمامها الأسوار والأبواب أمام جحافل الإخوان المسلمين لينطلقوا في شوارع القاهرة مدافعين عن الرئيس المنتخب.. هذا هو الاعتقاد السائد والمتداول علي مواقع التواصل الاجتماعي عقب خطاب الرئيس مرسي والذي أعقبته أحداث جامعة القاهرة وسقوط قتلي وجرحي.. وكأن الشرعية التي كررها الرئيس في خطابه 74 مرة بمعدل شرعيتين في الدقيقة تثبت أقدامها بدم المصريين علي اختلاف انتماءاتهم السياسية.
مما أثار سخرية «النشطاء» علي مواقع التواصل الاجتماعي فيس بوك وتويتر والذين تفننوا في التعليقات الساخرة علي صفحاتهم الشخصية:
سؤال كم مرة استخدم الرئيس مرسي كلمة الشرعية في خطابه؟ وتنوعت الإجبات 198.. 74، 56 مرة.
ووصل البعض إلي أن مرسي ذكر في خطابه كلمة الشرعية (198) مرة فهذا اعتراف ضمني منه بأنه فاقد للشرعية.

أما البعض الآخر فكانت تعليقاتهم علي النحو التالي:

طلاق مش هطلق، أجهاض مش هيحصل وأي حد هيجي بيني وبين الشرعية هولع في جماعتي.

كفة فيها 85 مليون نزل منهم 17مليون الشوارع فسلمية يطالبون بالحرية وكفة فيها 5 مليون نزلوا بالسلاح يساند ورئيس قال الدم مقابل الشرعية اختار مكانك.

كلمة الشرعية هي كلمة السر لتحرك الإخوان للضرب.. بس مرسي احتاج يكررها 198 مرة علشان الإخوان يلقطوها.

«بيقولوا بيوزعوا رز بالشرعية في رابعة العدوية.. أنا نازل».

تعالوا نمسك الشرعية سوا.. الأستاذ اللي ورا هناك أنت مش ماسك ليه.. شايفك يالي هناك عاملة نفسك ماسكة وإنت مش ماسكة.

اشتر جهاز الكشف عن الشرعية من أي محل قريب.

بيقولك مرسي قفش علي طقم التصوير علشان كان قفلوا الكاميرات وفي اتنين شرعية ما قالهمش.

لن أعيش في شرعية مرسي.

الأزهر مش طايقك.. الشرعية

ياعم القضاة مش طايقينك..الشرعية

ياعم الإعلام مش طايقك..الشرعية

ياعم الشرطة مش طايقاك..الشرعية

ياعم 22 مليوناً مضوا استمارات تمرد.. الشرعية

ياعم الشعب نزل الميادين بالملايين ومش طايقك الشرعية

ياعم الجيش أعلن أنه مع الشعب ومش طايقك.. الشرعية

ياعم الناس بتقتل بعض في الشارع الشرعية

ياعم الدين بيقول إن دم المسلم أكثر حرمة من هدم الكعبة الشرعية

ياعم الوزراء استقالوا الشرعية

ياعم كل مستشارينك استقالوا إلا الحتة الطرية بتاعتك الشرعية

ياعم المحافظين استقالوا الشرعية

ياعم روسيا والصين والمانيا وفرنسا وبريطانيا بيطالبوك تتنحي الشرعية.

ياعم كل الدول العربية إلا قطر مخنوقة منك الشرعية.