RiadaNet.com ينشر نص "خناقة" مرتضى وطاهر قبل انسحاب وزير الداخلية من الاجتماع الساخن

يبدو ان لعبة القط والفأر بين مرتضى منصور رئيس نادى الزمالك ومحمود طاهر رئيس النادى الاهلى لن تنتهى سريعا .. فالاحداث تبدو اسرع بكثير من أية توقعات.
اليوم وخلال اجتماع هام ضم وزير الداخلية ووزير الشباب والرياضة مع مسئولى اتحاد الكرة وبعض رئساء الاندية اندلعت مشادة عنيفة بين مرتضى وطاهر.
وجاءت نص "الخناقة" بين رئيسى الاهلى والزمالك قبل انسحاب وزير الداخلية على النحو التالى..
جمال علام رئيس اتحاد الكرة : نرغب جميعا فى اقامة الدورى من مجموعة واحدة لكن الازمة الوحيدة هى مباراة الاهلى والمصرى.
وزير الداخلية موجها كلامه لرئيس الاهلى : بعض من اسر الشهداء طالبوا بعد اقامة اى مباراة بين الاهلى والمصرى ..هل عندكم مشكلة فى اللعب مع المصرى ؟
محمود طاهر : مفيش مشكلة خالص ومش 10 او 15 واحد هيفرضوا كلامهم علينا بس لازم نهدى الاوضاع مع الجماهير ونعمل هدنة مع الالتراس علشان تستمر البطولة ويعدى الماتش ده على خير الى جانب القصاص العادل للشهداء.
مرتضى منصور بصوت عالى: هدنة ايه مع شوية ارهابيين سبتهم يشتموا الجيش والشرطة عندك فى النادى فى ماتش الانتاج .
محمود طاهر : ده محصلش .. الجمهور ما شتمش الجيش ولا الشرطة .. وفيه 4 لواءات شرطة حضروا الماتش وجاهزين للشهادة وكشف مزاعمك دى .. انت باسلوبك ده هتحرق البلد .
مرتضى منصور ملقيا بهاتفه المحمول وسلسلة مفاتيح على "ترابيزة" الاجتماع: الاهلى موقفه مايع وبيشجع الالتراس على الارهاب.. ولو خايف منهم يا استاذ محمود امشى !.
مشهد 2 .. وزير الداخليه ينسحب فجأة من الاجتماع اعتراضا على المشادة العنيفة بين طاهر ومرتضى .
مشهد خارجى : استمرار المشادة الكلامية بين طاهر ومرتضى رغم اسراع الجميع للخروج من غرفة الاجتماعات لولا تدخل بعض الحاضرين حتى اسرع محمود طاهر بالخروج والابتعاد عن مرتضى.