"جرين إيجيلز" : أثنين من مشجعى التراس اهلاوى ضمن المحكوم عليهم بالإعدام

أكدت رابطة ألتراس جرين إيجيلز ببورسعيد وجود اثنين من مشجعي التراس اهلاوى ضمن المحكوم عليهم في قضية مذبحة "استاد بورسعيد".
وقالت الرابطة، عبر صفحتها الرسمية على موقع التواصل الاجتماعي "فيسبوك".. " رغم أن الشخصين المحكوم عليهما بالإعدام كانا في مدرج الأهلى بمباراة المصري والأهلى ببورسعيد التى وقعت بعدها المجزرة ويرتديان نفس التيشيرت الخاص بالألتراس الأهلاوي وكانا يرددان الأغاني الخاصة بالرابطة، إلا أن قيادات ومسئولى الرابطة تخلوا عنهما بمنتهى اللامبالاة".
وأضافت الرابطة نصًا: "إحنا عارفين أنه ولا يهمكوا أنهما أخذا إعدام لأنكوا زى ما تخليتوا عن أصحابكو جوة المدرج وكنتوا أول ناس يخرجوا سالمين ودخلتم غرفة خلع الملابس مع اللاعيبة قبل نهاية الماتش مش غريب عليكوا إنكوا تتخلوا عن أبناء ناديكوا وتتجاهلوا ظلمهم لكبريائكم الاعمى والاعتراف بوجود مظلومين فى القضية".
وتابعت: "لكن إحنا بندافع عن أى مظلوم سواء كان أهلاويًا او مصراويًا.. مش بنشوف ألوان فى الظلم وهندافع عنهم زيهم زى باقى المظلومين.. افرحوا بقى أو اغضبوا مش مهم بس خليكوا متأكدين إنكم معميو البصيرة".