بعد إعدام متهمي عرب شركس .. الإسكندرانية: "البلد رايحة لسواد السواد"

تباينت ردود الأفعال بين أهالي محافظة الأسكندرية بمصر على إقدام السلطات بإعدام 6 متهمين في قضية "عرب شركس" يوم الأحد الماضي، وفي الوقت الذي تخرج فيه مسيرات غاضبة ضد أحكام القضاء الذي يصفه البعض ب"المسيس"، يرى أخرون أن الإعدامات رادعة لجماعة الإخوان المسلمين التي يصفونها ب"الإرهابية".
وحول إعدام متهمي عرب شركس، استطلعت "رصد" أراء بعض أهالي الأسكندرية، وقال الطالب أحمد شمس :"ده أحكام باطلة كلها، وان شاء الله ربنا ينصر الحق على الباطل وشباب عرب شركس ربنا يتقبلهم في الشهداء "، فيما قالت أحلام علي "أولا أحيي صمود الرئيس وقادة الإخوان وان شاء الله حتى لو نفذ الإعدام فيهم فبهذا فقد فازوا ورب الكعبة،أما عن شباب عرب شركس ربنا حرركم من السجن الى الجنة فهنيئا لكم ".
وأضاف محمد سلامة "ساخرا" :"قيادات الإخوان اتحكم عليهم بالإعدام عشان ملاقوش جاني فلبسها للإخواني، أما عن شباب عرب شركس فكان لازم يتعدموا عشان السيسي عايز كده وده ميرضيش ربنا وهو قال "أي شيئ ميرضيش ربنا هو معاه و بيدعمه وبيأيده ".
في المقابل قالت سماح ميخائيل :"يارب يتحكم عليهم كلهم بالإعدام، خلينا نخلص بقى، وارهابيين عرب شركس اتعدموا عشان مجرمين".
وأضاف عبده البرعي، سائق اتوبيس، :"يتعدموا أو غيره ماعدتش تفرق البلد ضاعت واللي كان كان وخلاص واحنا اللي عملنا كده في نفسنا"،
بينما رفض آخر التصريح باسمه قائلا :"البلد رايحه لسواد السواد ومش ضامن لو اتكلمت هيقولوا عملت ايه، عليه العوض ومنه العوض يا خسارة يا مصر ".