المواطنون لشركات الكهرباء..عزيزي المحصل مش هندفع ثمن خدمة بتتقطع

علق بعض النشطاء في محافظة الدقهلية لافتات كتب عليها ”عزيزى المحصل اذا كنا غلطناووافقناعلي بلطجة الدولة في تحصيل ثمن زبالة مغرقة الشوارع….فمش هنغلط تاني وندفع ثمن خدمة بتقطع علي ناس وناس لأ..تقبل تحياتي “ للدعوة لعدم دفع فواتير الكهرباء.
فيما دعا ايضا نشطاء علي مواقع التواصل الاجتماعي الفيس بوك بعدم دفع الفواتير احتجاجا علي قطع التيار الكهربائي لمدة تجاوزة ال12 ساعه في بعض الاسام وجاء علي موقع التواصل احنا عايشين فى الضلمه كام واحد بيموت من الحر ولا تكيف شغال ولا مروحه كام واحد بينقطع عيشه ولا عارف يقضى مصلحه كام واحد بيموت فى المستشفيات لما الاجهزه بتتعطل كام واحد بيحبط لما يلاقى عواميد الآنارة شغال فى عز النهار”" طب واحنا نعمل ايه”الحكومه بتقول ان الشعب مبيعرفش يرشد الكهرباءالحكومه بتأخد الخدمه مننا كل شهر وكأن الخدمه مفيهاش مشاكل”" يبقى الحل “” كلنا هنعمل محاضر جماعيه لمديرين شركه الكهرباء لو فضل انقطاع الكهرباء زى ما كان يبقى مش هندفع فاتوره الكهرباء الا لما نلاقى مقابل الفلوس خدمه “”
وفي ذات السياق أكد اللواء صلاح الدين المعداوى محافظ الدقهلية أنه أرسل تنبيهات وتعليمات مشددة للمسئولين عن شبكات الكهرباء بالدقهلية بضرورة تنظيم عملية تخفيف الأحمال، وعدم قطع التيار الكهربائى فى كل مراكز المحافظة أكثر من مرتين فى اليوم، وتكون يومًا بعد يوم، وعدم قطع التيار الكهربائى عن المدينة أكثر من مرة، وذلك بعد ارتفاع شكاوى المواطنين من كثرة فترات الظلام التى تطول، ما أدى إلى انتشار دعوات بالتحريض على عدم دفع فواتير الكهرباء بعد استمرار انقطاع الكهرباء لأكثر من 12 ساعة فى بعض الأماكن، كما حدث فى منطقة سندوب.