رسالة من شهيد

كتبت : نسمة عودة ... ده كان صاحبى من سنين، مات فجأة وبقى مش أكتر من صورة على البروفايل أو اسم فى الميادين، مات شهيداً فى ثورة التحرير، لسه فاكر كان بيقولى إيه، مش هسيب حقك ولا حق كل مصرى اضحك عليه، مش هنخاف لا من حسنى ولا عز ولا العادلى بيه، ده أنا مصرى أصيل عاش فى الأرياف ياما لف ودار وعاش وشاف، شفت ظلم وجوع واستخفاف، مش هستنى تانى خلاص ولا هسكت ولا هرتاح غير لما أقول بعلو الصوت.. ارحل يا نظام وخلينا نرتاح، مش هنسكت تانى عن الفساد والبطالة والغلاء، مش هنسكت وهنقول لا لقمع الشعب والحروب الداخلية وتزوير الانتخابات.. مش هستنى تانى خلاص بعد ما دم المصرى أصبح مباح.