غموض يحيط بقضية مذبحة بورسعيد ....دار الافتاء تؤجل والتراس الاهلى يشعلها

كشف مصدر قضائي رفيع المستوي أن دار الإفتاء المصرية ترفض تسليم ملف قضية بورسعيد للمامورية الخاصة التي جاءت من محكمة استئناف الاسماعيلية لتتسلمها.
وأشار المصدر ان مسئولي دار الإفتاء سلموا الملف وتقرير الرأي الشرعي حول إعدام 21 متهما في القضية لأعضاء المأمورية ثم سحبوهم منهم مرة أخري بحجة ان التقرير لا يحتوي علي توقيع المستشار المنتدب للدار والمختص بذلك، ولا زال اعضاء المأمورية في دار الإفتاء حتي الآن ولم يتسلمو التقرير والملف.
وفي حالة عدم تسلم الملف، فستؤجل محكمة جنايات بورسعيد الحكم في القضية المقرر له السبت القادم لأن ملف القضية بالكامل وتقرير الرأي الشرعي حول الإعدام للمتهمين ال21 ليس بحوزة المحكمة حاليا.
بينما نفى ألتراس أهلاوى رضاه بالحكم السابق على 21 متهم بالإعدام، مشيرا فى بيان له اليوم إلى ضرورة القصاص من باقى المتهمين من ألتراس امصرى ورجال الأمن..وجاء نص البيان كالتالى:
بسم الله الرحمن الرحيم
نتكلم في الاول عن جيكا ولا كريستي ؟؟ نتكلم عن الجندي ولا الشافعي ؟؟
ولا نبدأ الحكاية من الاول ونتكلم عن خالد سعيد وسيد بلال ؟؟
كل دي مجرد امثلة بسيطة لأوسخ كيان تحت اي نظام
بيستحقوا اللقب بجدارة "الداخلية بلطجية "
بيمارسوا جرايمهم من قتل وسحل وتعذيب بكل بجاحة ودايما بيتم التستر على كل الجرايم دي مع اختلاف الانظمة
كيان شارك وتواطئ ودبر وغدر في المجزرة اللي استشهد فيها 72 راجل
كيان عمره ما بيواجهني وش في وش
شاف ان افضل وسيلة لمقاومة الرجال هي الغدر والخيانة يعنى زيهم زي الصهاينة مايفرقوش عنهم كتير
كل اللي شوفتوه الاسبوع ده هو ولا حاجة
هو بجد ولا حاجة
فاكرين جمعة الغضب اللي هربتوا فيها ؟؟؟
يوم 9 مارس لو مجاش القصاص منكم وقتها هتتمنوا تعرفوا تهربوا
بس وقتها هتشوفوا اللي مستحيل في يوم تتخيلوه
9 مارس هو الجلسة التانية للنطق بالحكم
هي الجلسة الاهم واللي فيها العدد الاكبر
فيها 9 كلاب من الداخلية و43 كلب من بورسعيد
الحكم اللي كان يوم 26 يناير هو فات وخلص
واكيد مش احنا اللي هيضحك علينا ونفرح ونقول القضية خلصت لما يتعدم 21 كلب من اللي قتلوا
معادنا يوم السبت 9 مارس الساعة 8 الصبح عند النادي الاهلي (الجزيرة) كل السكاشن والمحافظات متواجدة في المعاد
مش محتاجين اكيد ننبه على عدم التأخير
رسالة اخيرة : في الجلسة الاولى قولنا ان البعض ممكن يكون اخر يوم بالنسباله يوم 26 يناير
المرة دي "الكل"هيبقى نازل عامل حسابه ان ده اخر يوم له لو الحق مارجعش
يا نجيب حقهم يا نموت زيهم