المتهم بقتل زياد وشهد يروي تفاصيل جريمته البشعة

المتهم بقتل زياد وشهد يروي تفاصيل جريمته البشعة
الطفلان زياد وشقيقته شهد
القاهرة: في هدوء يحسد عليه، روى عشرى عطية عبدالموجود (27 سنة) المتهم بقتل الطفلين الشقيقين- ابنى خاله "زياد" 11 سنة و"شهد" 6 سنوات تفاصيل جريمته البشعة، قائلا:
أنا راجل أزهرى، وخريج المعهد العالى للخدمة الاجتماعية 4 سنوات- وحافظ قرآن من صغرى.. اتعلمت مهنة الاستورجى فى بلدتنا طهطا مركز سوهاج وكنت مع أول إجازة الصيف أركب قطار الغلابة الدرجة الثالثة وأحضر إلى الجيزة.. أتوجه إلى خالى "جمال" للعمل معه فى ورشته وتنتهى الإجازة، وأجهز حقيبتى للعودة فى نفس القطار وأطلب من خالى أجرى الذى عملت به طوال 3 شهور فيعطينى نصف ما أستحق.. أو أقل قليلاً..
أيامها كنت أنتظر حقى لأشترى به كل متطلباتى الدراسية ولشقيقاتى الأربع.. عايز أفرّحهم و"أشيل" عبئى عن والدى تاجر الفاكهة..فأنا ابنه الوحيد و"البكرى" كمان..
كنت باشتكى لأمى: "أخوكى أكل عرقى وأنا ماقصّرتش معاه طول الأجازة".. وكانت ترد: ده أخويا وأنا عارفاه وخالك كمان وإنت بتتعلم.
السيناريو لم يتغير من 3 إعدادى وحتى قبل 20 يوما مضت_ المتهم يواصل حديثه لجريدة "المصري اليوم"_ الشىء الوحيد الذى تغير هو أصابع يدى والكفان..
اصابتني المواد الكيماوية والبويات بمرض جلدى.. لا أتوقف عن محاولة "الهرش والتقطيع".. والأطباء قالوا لى: تحتاج جوانتى_ قفاز_ من نوع معين.. ولم أصل إليه حتى الآن..
المهم زادت الخلافات مع خالى وتركت له الورشة وعدت إلى الصعيد وقلت لنفسى: "الموضوع كده خلاص وأشتغل فى البلد وأحافظ على علاقتى به كابن اخت".. بعد أسبوعين اقتربت من والدتى: "يا محمد_ اسم شهرته_ خالك عايزك.. ربنا ابتلاه بمرض فى الكلى وكل أسبوع بيروح يغسل كلى فى المستشفى ولازم يا ابنى تقف جانبه".. لم أتردد فى الموافقة.. اتصلت به لأطمئن وحزمت حقيبتى وحضرت إليه..
بدأت العمل فى الورشة.. كان الألم يطارده بقوة: "أنا يا محمد طالع أريّح شوية.. الميه بتنزل على ركبتى بعد المرض".. من الآخر.. كنت "باشيل" الشغل لوحدى.. الأجرة كانت 25 جنيهاً فى اليوم.. وأبديت اعتراضى بعد شهرين.. أنا المسؤول أمام الزبائن وأقوم بمفردى ب شغل 4 صنايعية وطلبت من خالى يزوّد أجرى شوية.. رفض وجعلنى فُرجة للشارع..
وتدخل جار للتهدئة.. ووصلت الأجرة إلى 35 جنيها وأن يتكفل خالى بالطعام والشراب والسكن.. وانتهى الموضوع وعدت إلى العمل أكثر قوة وأعلى مجهوداً.. بس كان فيه مشكلة..مرات خالى مش "طايقة تشوف وشى".. شتائم وإهانة وسب ومعاملة بجفاء.
المتهم في حواره مع المصري اليوم
من "25 يوم" اتصلت بى والدتى : "تعال.. أبوك مريض" وقلت لخالى نتحاسب، أبويا مريض فوجدت سبًا وشتمًا بالأب والأم: "أنا باصرف عليك إنت وأبوك وأمك، ده جزاء اللى أنا باعمله.. وإنت حقك خدته أكل وشرب ونوم فى البيت".. وأعطانى 300 جنيه وكان حقى يومها حوالى 370.. وقال وهو بيسب:" ال 70 دى فلوس الشاى والقهوة اللى بتشربها كل يوم من القهوة اللى جنبنا"..
سافرت وقررت أن أنتقم.. كنت لا أنام..أشعر أن نارا تأكل فى جسدى، قلت لنفسى: الورشة بتدخَّل على إيدى 4 آلاف جنيه فى الشهر وأنا راجل عايز أخطب وأتجوز وخالى بيكنز الفلوس دى لابنه.. طيب وشقتى و"نص دينى" لازم أكمله.. خلاص.. خالى عقّدنى من الشغل والحياة، وقررت إنى لازم أعمل حاجة فى زياد "أخليه" كل ما يشوفه يتحسر عليه.. يعنى أعمل عاهة.. أقطع ذراعه..أضيّع عينه.. ده كان كل تفكيرى.
الجمعة بالليل_ عشرى أو محمد يتحدث_ ركبت سيارة بيجو من بلدنا فى طهطا.. دفعت الأجرة 35 جنيهاً والعربية وصلت، تحركت واحدة بالليل ووصلت 7 الصبح فى المنيب.. فطرت من على عربية فول وشربت شاى على قهوة فى الطالبية والساعة عشرة توجهت إلى الشقة.. يا دوب وصلت وسمعت صوت مرات خالى وجريت على الشارع تانى وانتظرت حتى خرجت واستقلت ميكروباص إلى عملها.
طرقت على الباب، وفتح لى زياد.. بص لى من فوق ل تحت، وقال: "إيه اللى جابك..إنت مش كفاية سبت بابا وهو مريض بالكلى".. رديت: "أنا أبويا كان مريض وحالته صعبة".. وزادت شتائم الولد.. وغضبه على والده.. والحقيقة تعاطفت مع غضبه، وعادت إلىّ "حنيتى" فى لحظة.. ودخل زياد إلى غرفته وقررت أن "أطيب خاطره" وأعتذر له ووضعت يدى على كتفه: "ماتزعلش يا زياد، أنا غصب عنى".. دفع يدى من على كتفه وهو يردد:»بلاش قرف"..
لم أشعر بشىء.. غابت "الحنية" التى حضرت إلىّ فجأة..وحل مكانها غضب وقسوة السنين.. وشاهدت صورة خالى وزوجته فى وجهى، لمحت سكينا فى المطبخ، أحضرتها بسرعة وسددت طعنة ل زياد فى بطنه وتلتها ضربات عديدة.. لا أعرف عددها أو أين استقرت.. كل ما أتذكره أنه كان يقاوم ويمسك بملابسى ويحاول الدفاع عن نفسه.. لم أتوقف عن الضرب وتوقف هو عن المقاومة، خرجت من الغرفة.. لا أدرى بنفسى وجدت شهد_ العسولة شهد كما يسميها المتهم_ كانت خائفة تصرخ بقوة وهى ترتعش..قلت لنفسى: سيحضر الجيران وينكشف أمرى..
لم أشعر بشىء، ضربتها بالسكين فى رقبتها وتعددت الطعنات، كنت مغيبا.. لا أعرف العدد أو مكان الطعنات التى أسددها.. لم أتذكر نهائيا أن شهد تختلف عن زياد وأنها قريبة من قلبى لأنها هادئة وجميلة.. توقفت حركت زياد وشهد.. الدماء فقط كانت تتحرك وتسيل بشدة وأغرقت ملابسى.. خفت أن تعود الحياة إلى زياد أو يستطيع الاتصال بوالده ويطلب منه الإنقاذ، وأخذت الهاتف معى ..وغسلت السكين ووضعتها فى كيس بلاستيكى وغادرت الشقة ..
سمعت صوت جامع القمامة وهو يقول:"زبالة" .. فى لحظة فكرت أن أتخلص من السكين خوفا من «س و ج» وضبطى بها ..وتحركت بسرعة إلى موقف المنيب وركبت سيارة عائدة إلى سوهاج ..فى الطريق وبهدوء "سقطت" الهاتف المسروق.. وقبل وصولى إلى بلدتنا بساعة ونصف- السيارة كانت قد تخطت أسيوط_اتصل بى والدى: "خالك جمال اتصل وبيقول إن ولاده اتعوروا".. رديت: "أنا فى أسيوط وجاى وربنا يستر".. وصلت إلى منزل جدى _وجد الطفلين فى نفس الوقت_ الكل كان حزينا يومها.. الخبر تأكد.. الولاد ماتوا ..كنت حاسس إنه هيتقبض على.. صديق قال لى: لازم يستجوبوك لأنك كنت عايش معاهم..
وانتظرت أمام منزلى.. ووصل "مخبران"_ يضحك- شكلهما واضح..توجهت معهما إلى المركز.. واستجوبنى الضباط فى سوهاج وأنكرت الواقعة تماما ..وحضرت ب"مأمورية" إلى الجيزة.. واقتادونى إلى مكتب اللواء على السبكى.. وأمامه.. لم أتردد.. قلت كل شىء.. وهو الأمر الذى تكرر أمام النيابة _أمام المستشار حمادة الصاوى المحامى العام الأول- أنا أخذت حقى من خالى.
مش خايف من بكره.. النهارده فى المعاينة التصويرية ضابط طلب أبويا وأمى على تليفونه الخاص وقال لى: "خد يا عشرى.. كلم أبوك".. وقلت لهم أنا كويس وقالوا لى:"اطمن وماتخافش ..فيه محامى جاى ولا يهمك".. أنا مبسوط ومرتاح نفسيا وبالى تمام التمام.. حرقت دم خالى.. بس والله ما كنت ناوى أقتل شهد.. كنت ناوى بس أعمل عاهة فى زياد.. أنا بانام فى الحجز.. ليس هناك ما يمنع.. حقى رجع وبالى مرتاح.