نهال وكريم :"إدفع تحضر فرحنا وتأكل جاتوه وبيبسى كمان"!!

نهال حسام الدين وخطيبها كريم مخطوبين وبسبب الظروف الإقتصادية الصعبة التى يمر بها كثير من الشباب المقبلين على الزواج ، فكر كلا منهما فى فكرة تحل لهم مشكلة كبيرة وهى الفرح وتكاليفه .
وكانت الفكرة هى حضور حفل الزفاف بتذكرة ، وكتبوا لكل من يرغب الحضور نرجو من حضراتكم التكرم والتعطف علينا بحضور فرحنا اللى أنا مش عارف أعمله.. الحضور هيكلف الفرد من 75 إلى 100 جنيه، ما هو أنا مش عايز فرح وأصلاً مش بحضر أفراح، بس كله عمال يقول ضرورى فرح عشان الناس، فيبقى الناس تعتبر نفسها نازلة تخرج وتتفسح وتدفع تمن فسحتها.. ولا إيه؟.. تعاطفك وحده مش كفاية».
وتقول نهال حسام الدين ل "لهن " : الفكرة جاءت بسبب الضغوط، انه احنا كان علينا مسئوليات كثيرة وضغوط مادية، وكل مانخطط لشىء لازم أى فرد من العائلة يعترض عليها فنضطر نعيد التخطيط كله مرة اخرى وكنا تعبنا جدا ففكرنا فى الفكرة.
وأضافت : ( قولنا نعمل الفرح بفلوس، ولو الناس مش عايزة تدفع يبقى دى رغبة جماعية وبلاش فرح اصلا، كما أن الفكرة جاءت ايضاً من خلال اننا عندما نذهب لعيد ميلاد بندفع 100 جنيه أو أكثر فى أى كافيه وبنكون سعداء لاننا بنبسط حد بنحبه فكرة الفرح كانت بنفس الطريقة ) .
وعن سؤالنا لها عن ردود الأفعال من الأصدقاء والأقارب ، قالت نهال : (من عجبتهم الفكرة الناس اللى من نفس سننا لانهم عايشين الظروف وعارفين الضغوط اللى احنا فيها ، والاصدقاء تقبلوا الفكرة جدا ورحبوا بيها ) .
وتابعت نهال : أما الأهل والأقارب تفاوتت ردود افعالهم حول الفكرة فاغلب الاهل لم تكن لديهم مشكلة فى الفكرة ولكن المشكلة كانت فى أسلوب طرح الفكرة وعدم مراعاتنا لفروق السن ، وهناك من الاهل اعترض جدا والفكرة ضايقتهم لاقصى درجة لدرجة ، وعلى العكس ناس من الاهل رحبوا جدا بالفكرة وكانوا يروا انها حياتنا نقرر مانفعله فيها كما نرى .
هل ترى أن حفل الزفاف مظهر إجتماعى ليس له أهمية ؟
فى أحيان كثيرة تكون كذلك لان العريس والعروسة بيعزموا ناس كثيرة جدا علاقتهم بهم ليست متوطدة كنوع من المجاملة الاجتماعية ، ولن يستطيعوا إرضاء جميع الاطراف أيضاً .
وهناك أناس أخرى تفكر انها لو عملت فرح على الضيق عزمت فيه اقرب الناس بيكون احسن وافضل والفرحة تكون من القلب فعلا وبيكون فيه خصوصية لانهم بيكونوا محددين من يشاركهم تلك اللحظة .