عمرو واكد يرد على اتهامه بالسرقة

رد الفنان المصري عمرو واكد، على التعليقات التي اتهمته بسرقة فكرة فيلمه الجديد «القرد بيتكلم»، بعد طرح البرومو الدعائي للفيلم، من الفيلم الاجنبي « now you see me?»، مؤكدًا أننا نستطيع ان نقدم أفلامًا ناجحة.
عمرو واكد، قال عبر صفحته الشخصية بموقع «فيس بوك»: «معلومة بس عشان اللي بيحبوا يفتوا.. أنا كمان بحب أفتي.. استحالة تتفرج على نص دقيقة من أي حاجة فتؤكد إن اللي شفته ده هوهو ال90 دقيقة بتوع فيلم تاني. بجد ما كانش حد غلب. كنا يعني عملنا الأفلام 30 ثانية».
وأضاف: «وبعدين مش ممكن يكون الفيلم متاخد من فيلم تاني أنت ما شوفتوش؟ ولا انت عايز تقول إنك ماشوفتش غير الفيلم بتاع الكوتشينة والحاوي ده تحديداً؟».
وأنهى كلامه قائلًا: «وأخيرًا وده المهم: مش كل حاجة حلوة لازم تبقى أكيد مش مصرية.. يعني مش أي تيزر مصري حلو يبقى لازم يكون لفيلم سارقينه.. إحنا نقدر نستطيع على فكرة».
فيلم «القرد بيتكلم»، بطولة عمرو واكد، أحمد الفيشاوي، ريهام حجاج، بيومي فؤاد، وسيد رجب، ومن إخراج بيتر ميمي، ومن إنتاج سيف عريبي.