رواد «فيس بوك» يقسمون المدرسين إلى 8 أنواع

المعلم عماد المدرسة والوحيد القادر على جعل الطالب يحب ما يدرسه أو ينفر منه، وهو ما ستتأكد منه، منذ اللحظة الاولى التي ستدخل خلالها من باب مدرستك لتقابل عدد لا بأس به من المعلمين الذين يختلفون عن بعضهم البعض في الصفات والمعاملة.
وصنف مستخدمو موقع التواصل الاجتماعى «فيس بوك» المدرسين بطريقة كوميدية إلى ثمانية أنواع.
1- هيقابلك المدرس الكبير في السن اللي بيكون مقضي نص عمره في المدرسة وعارف المدرسة من يوم ما اتعملت وعارف كل المدرسين اللي فيها ولو سألته عن أي حاجة في المدرسة هيجاوبك.
2- مدرسة "الحاسب الآلي" لازم بيكون اسمها سحر أو صفاء وغالبا ما بيكونش ليها أي علاقة بالكمبيوتر.
3- المدرس اللي بيكون نجم المدرسة والنموذج ده بيكون موجود في كل مدسة تقريبا وده بيكون صغير في السن وكل البنات بتحبه وبيتخانقوا عليه ومش بيكون حلو ولا نيلة وده غالبا بيكون مدرس إنجليزي أو فرنساوي.
4- المدرس اللي بيكون عامل فيها روش وفاكر أن دمه خفيف وبيقول إفيهات سخيفة وانت لازم تضحك عليها غصب عنك عشان أعمال السنة ودول غالبا بيكونوا مدرسين رياضة.
5- هتقابل بقي الأخصائيين النفسيين اللي بيكونوا معقدين من عيشتهم وحاول متقربش منهم نصيحة مني.
6- المدرسة اللي قرفانة من عيشتها عشان مش بتدي دروس زي بقية المدرسين ودايما تقول والله الفصل ده ما نافع.
7- المدرس اللي دايما بيكون قرفان من طلبة أدبي ودايما يشتم ويقول يلا يا أدبي من هنا ونصهم بيكونوا أدبي أصلا.
8- وفيه بقي المدرس البرنس اللي مهما كانت العيال قليلة الادب مع كل المدرسين يجوا عند ده والموضوع بيتغير خالص عشان هو شايف أنه لو صاحب العيال هيكون أحسن من أنه يرزل عليهم.