ساخرون من قطع النور .. «أكيد الحكومة بتخزن النور عشان تحل الأزمة في الصيف»

تسبب انقطاع التيار الكهربائي لمدة ساعة أو أكثر خلال اليومين الماضيين ، رغم انخفاض درجات الحرارة وموجة الصقيع التي لم تشهدها البلاد منذ مائة عام ، الى استياء نشطاء مواقع التواصل الاجتماعي.
ذينب ناصر تقول " بيقطعوها زيادة احمال فى الصيف .. و بيقطعوها غلاسة فى الشتاء " .
أيه علي تقول " لا تكييف ولا دفايه نولع في نفسنايعني ولا إيه؟ " .
نهى سلطان تكشق سبب قطع النور وتقول " الكهرباء بتقطع دلوقتي عشان يخزنوها للصيف الجاي وماتقطعش ودي المفاجأه لحل الأزمة " .
صابرين سمير تفسر من وجهة نظرها سبب قطع النور قائلة " النور بيقطع بسبب زيادة حمل الكهرباء الي بيعزبو بها المعتقلين " .
سامح سيد يقول " هما بيقطعوها للتعود .. عشان لما يجي الصيف ما نتفاجئش بالموضوع " .
وآخر يقول " أبو الهول جالو شلل رباعي من اللي بيحصل للفراعنة .. ارحمونا بقى " .
أحمد حربي يسرد حجج الحكومه في قطع النور قائلا " فى الصيف علشان المكيفات وفى الربيع علشان نقص وقود، وفى الشتاء علشان الدفايات .. اساتذه حجج " .
وناشطة أخرى تقترح حلا وهو الجلوس أمام البوتوجاز وسيكون له فائدتين النور والتدفئة ، فيما رد عليها آخر من محافظة الشرقية قائلا " طب والمحافظة اللي الغاز بيقطع عندها تعمل إيه .. ننتحروا يعني " .
وجيه عاطف يعتقد أن ما يحدث لمصر " سياسة أمريكيه من أجل إلهاء الناس وجعلهم منشغلين بالكهرباء والمولدات وغيرها " .
نبيل سامي من فلسطين ينعي حظة قائلا " احمدوا ربكم .. في غزه مفيش بيوت ليكون في كهرباء " .
محمد خليل يعتقد أن ما يحدث للشعب المصري ما هو إلا نصب مدللا كلامه بالقول " طب في الصيف كانو بيقطعوها بحجة المواتير بتسخن، وكدا طب في الشتاء المواتير بسخن زي في الصيف ولا هو شغل نهب وخلاص " .
نجلاء خطاب تنعي حظها وتقول " هو أية اللي حصل النور مرتين وبالساعات ، والمياه كمان بتقطع ، دي حاجة بقت بجد لا تصدق .. هما هيعملو فينا إية تاني " .