«نبطل شرب ونشرد مصر! » تعليقا على انتعاش الميزانية من الخمر

وفقا للأرقام الحكومية التى كشف عنها الحساب الختامي للموازنة فقد أنعشت الضرائب على "البيرة" والسجائر والإتاوة على القمار، خزينة الدولة خلال العام المالي الماضي .
ورفعت الحكومة ضريبة المبيعات على السجائر المحلية والأجنبية والخمور بين 40 و120% في إطار إجراءات لزيادة الإيرادات ومحاولة إصلاح الاقتصاد المنهك .
وهذا الخبر أثار استفزاز نشطاء مواقع التواصل الاجتماعي وعلقوا عليه بالكثير من الكوميكات والتعليقات الساخرة .
ودارت معظم التعليقات الساخرة حول أن الشعب المصري بالفعل متدين بطلعه ، وبين أن هذا الخبر دليلا قاطعا على انعدام البركة وقلة الرزق رغم كثرة الأموال وغيرها وغيرها .
ياسمين عبد الكريم تقول " أتاريها ماشيه بفلوس حرام عشان كده عمرنا ما هننضف أبدا" .
إبراهيم أحمد علق ساخرا " ده إن دل على شئ بيدل علي حرص الشباب المصري علي تقوية الاقتصاد القومي ومساندته .. عشان البلد ما تقعش .. عرفتو بقى الشباب بيتعب قد إيه عشان البلد تقف علي رجلها " .
إيمان سعيد تقول " من أعمالكم سلطت عليكم " .
وآخرى تستشهد مقوله من فيلم " اتش دبور " قائلة : وماله يا استا مش عيب طالاما in public ومافيهوش feeling يبقى so what وتستكمل " رايحه بينا على فين يا مصر " .
ومحمد عاطف هو الآخر استشهد بمقطع من فيلم " السفارة في العمارة " قائلا : ودي طبعا حاجه وطنيه .. انا بكره اسرائيل ......وايييي " .
حسام جمال يصف الشعب المصري بأنه (شعب كيف ) يحزن يتكيف يفرح يتكيف .. ما بيرحمش " .
إبراهيم حسان يعلق مازحا " أبطل شرب بقي وشرد مصر كلها ؟ " .
شري صديق تعلق " وأنا أقول الفلوس ما فيهاش بركة ليه .. هو كده الحرام مش بيدوم" .
ماريا علاء الدين تقول " خلي الناس تعيش " .
وعمر منصور يقول " دول بيفرفشوه مش بينعنشوه " .