بالفيديو.. عمرو أديب ل«السيسي»: أنا اللي جبتك تعززني وتكرمني

أشاد الإعلامي عمرو أديب، بتفقد المهندس إبراهيم محلب، مساء الثلاثاء، عدد من المجمعات الاستهلاكية في منطقة السيدة زينب، واصًفا إياه ب"الرجل الشجاع".
وقال "أديب" خلال برنامجه "القاهرة اليوم"، على فضائية "اليوم"، مساء الثلاثاء: "أهل السيدة زينب مابيجاملوش، الراجل استغرب إن فيه ناس هتفت باسم السيسي، كان متخيل هيبقى فيه مظاهرات وهيترمي بالطوب والبيض، لو محلب كان اترمى بالطوب والبيض والله ما كنت هستغرب، أقسم بالله لو كانوا هتفوا ضده وضد السيسي ورموه بالبتنجان الأسود الحلو العروس اللي بيتحشي رز علشان ماعندهمش لحمة دا، والله ما كنت هزعل ولا محلب هيزعل، شعب جميل وأصيل عنده حضارة".
وأضاف: "الشعب المصري جدع محترم يستحق أنه يتعامل بآدمية، الشعب اللي مايضربش رئيس الوزراء بعد قرارات رفع الأسعار، هو شعب مُحترم وجدير يا سيادة الرئيس السيسي، يتعمله كل حاجة كويسة ومحترمة وتجيب من الدنيا وتديله".
وتابع: إن "المصريين تجاهلوا الدعاوى المناهضة لزيادة أسعار المواد البترولية التي انعكست على أسعار وسائل النقل العام، من بعض الذين أرادوا إيشاع المؤامرات وتهييج الشارع المصري، وفي مقابل ذلك ينتظرون الأيدي الحانية، ولازم ألاقي الحنية والتقدير والأتوبيسات الحلوة، وألاقي إن ما أتسابش لشوية صيّع، أنا راجل محترم، أنت بتاخد مني أكتر من الغني، أنا اللي وقفت جنبك في 30 يونيو، أنا اللي جبت الدستور، أنا اللي جبتك ياسيسي، تعززني وتكرمني".