شقيقة علاء عبد الفتاح: أخي تم نقله من محبسه و لا نعرف مكان تواجده

أكدت مني سيف شقيقة الناشط السياسي علاء عبد الفتاح أن علاء قد تم نقله من محبسه بعد زيارتها له أمس الخميس، مشيرة إلي أنها لا تعرف مكان محبسه الجديد أو أسباب نقله.
وقالت مني سيف من خلال تدوينه لها على صفحتها بموقع التواصل الاجتماعي "فيس بوك" : "خايف تعمل ضجة على الموضوع و يطلع أبسط من كدة و انهم نقلوه عنبر تاني عشان يكدروه لكنه مش بيتعرض لأذى أكتر , و الناس تتتعامل بخفة بعد كدة مع اي قلق او خبر تكتبه و في نفس الوقت عارف انه لو بيتعرض لأي أذى دلوقتي فالحاجة الوحيدة اللي ممكن تعملها اللي تزود فرص حمايته هي انك تعمل دوشة و هليلة على قد ما تقدر. خاصة و ان بكرة الجمعة و مافيش زيارات يومها فمش هنعرف نطمن عليه بجد قبل يومين".
وأضافت: "مافيش حاجة بايدي اعملها غير اني اكتبلكو المعلومات اللي نعرفها، علاء في ايد الداخلية في ليمان طرة. محبوس ظلم بتواطؤ صريح بين النيابة و الداخلية، لسبب مش معروف نقلوه من زنزانته امبارح و مش عارفين هو فين، مش قادرة أقولكو كم السيناريوهات اللي بتمر في بالي و اللي حصلت لشباب تانيين قبل كده، من قلبي باتمنى انها تطلع حاجة بسيطة و اما نعرف نطمن عليه و نزوره الاقيه بيضحك و هو بيحكيلنا عنها".