كلب الست

إحدى قصائد الشاعر أحمد فؤاد نجم في نقد الواقع الاجتماعي وعن حكاية
القصيدة قال: هو كلب المطربة أم كلثوم واسمه " فوكس" , الذي قفز من فوق سور فيلتها في الزمالك وهاجم أحد الطلاب الفقراء في معهد التربية الرياضية بالهرم أثناء زيارة كلية الفنون الجميلة الواقعة خلف فيلا أم كلثوم، وقد تخير كلب الست أفقر طالب في المجموعة وعضه ومزق ملابسه. وسخر نجم من الصحف القومية التي نشرت خبرا يبرئ أم كلثوم وكلبها من الجريمة بحجة أنها قدمت للدولة خدمات جليلة.
ونشرت جريدة " الجمهورية" وقتها تحقيقا نسبت فيه للطالب الفقير اسماعيل خلوصي الذي عضه كلب أم كلثوم قوله: " أنا سعيد لأن كلب أم كلثوم عضني"!..
يعلق أحمد فؤاد نجم: عندما قرأت ذلك رغم حبي لأم كلثوم، ألفت قصيدة " كلب الست" فكانت هذه نهاية فرقتي فرقة عكاشة المسرحية، فمن وقتها بدأوا اعتقالي، وكلما أفرجوا عني يعتقلونني مرة أخرى .
كلب الست
في الزمالك من سنين،وف حمى النيل العظيم،قصرمن عصر اليمين،
ملك وحده م الحريم،صيتها أعلى م الآذان،يسمعوه iiالمسلمين
والتتر والتركمان ،والهنود والمنبوذين ii.
ست فاقت ع الرجال في المقام iiوالاحترام
صيت وشهرة وتل مال،يعني في غايه iiالتمام
قصره يعني هيه كلمه، ليها كلمه ف iiالحكومة
بس ربك لجل حكمة قام حرمها م iiالأمومة
والأمومة طبع ثابت جوا حواء من iiزمان
تعمل إيه الست جابت فوكس رومي وله iiودان
فوكس ده عقبال أملتك عنده دستة iiخدامين
يعني مش موجود في عيلتك شخص زيه iiياسماعين
واسماعين دا يبقى واحد م الجماعة iiالتعبانين
اللي داخو في المعاهد والمدارس من سنين
حب يعمل واد فكاكه ويمشي حبه في iiالزمالك
والقيامه والفتاكه يرموا طبعا ع iiالمهالك
عم سمعه من قيامته حب يعمل فيها iiفلة
بعد ما ألوظ بيجامته اشترى حتة مجلة
قول مشي يقرا ف حكاية من حكايات iiالغرام
واندماجه في القرايه خلا مشيه مش iiتمام
ع اليمين يحدف بعيد خطوتين ويروح شمال
لمحه فوكس من الحديد قال دا صيد سهل iiوحلال
هوب نط ف كرشه دوغري جاب بجامته لحد iiديلها
إسماعيل بدال مايجري قال يارجلي رجلي iiمالها
بص شاف الدم سايح من عاليها ومن واطيها
وياللي جاي وياللي رايح المجلة مش iiلاقيها
حبه واتلموا الظنايا اللي هما iiالبوابين
والهكايه والروايه قال لهم دا كلب iiمين
كلب مين ماكلب ماكلب مين سمعه لبخ iiحبتين
قال له واحد منهم امشي الي جابك عنده iiمين
قال دا شارع يامواشي والجميع بيمر iiمنه
اللي راكب واللي ماشي مستحيل نستغنى iiعنه
كلمه من دا وكلمه من دا ظاطو واترسمت iiفضيحه
قول نهايته والقصد من ده اسماعين أكل iiالطريحه
راحوا قسم الشرطه طبعا والنيابه كفيله iiبيهم
واترموا في الحجز جمعة لما ييجي الدور iiعليهم
حبه والشاويش أمين قال سعيد iiالنقشبندي
قام غريم عم إسماعين قاله محسوبك يافندي
قام سي سمعه يروح معاه الشاويش قال غور بدمك
وفوق قفاه كف طرقع ... داهيه ف iiامك
تفتكر يفضل سي سمعه قد إيه في القسم iiنايم
استضافه الحجز جمعة يابلاش آدي iiالعزايم
شاف بلاوي ماتتحكيش م الديابه iiالمسجونين
قال ياعالم ياشاويش يانيابه iiيامسؤولين
خلصوه بعد المناهده جثة من جحر iiالديابه
هيه يمكن ساعه واحدة كان في مكتب iiالنيابة
قال له مالك ياسماعين.. قال له زي البمب iiمالي
قال له عضك فوكس فين قال له سيبني اروح iiلحالي
أنت شوف سي فوكس يمكن خد تسمم غصب iiعني
الوكيل قال برضه ممكن والشاويش قعد iiيغني
أنت فين والكلب فين أنت قده يا iiاسمماعين
طب دا كلب الست يابني وانت تطلع ابن iiمين
بشرى لصحاب الديول واللي له أربع iiرجول
بشرى لا سيادنا البهايم من جمايس أو iiعجول
اللي صاحبه ياجماعة له غناوي في الإذاعة
راح يدوس فوق الغلابة والنيابة بالبتاعه
أنت تسوى في النيابة تسعميه م iiالغلابة
طب ياريت يافوكس كنا ولا تربطنا iiالقرابه
هيص ياكلب الست هيص لك مقامك في iiالبوليس
بكره تتولف وزارة للكلاب ياخدوك iiرئيس