يا مستني... هههههههه

[image]
قال يا مستني التلفزيون المصري يبطل هجص..... يا مستني .................تبطل رقص................
كلنا فاكرين المشهد الشهير بتاع كوبري اكتوبر وكوبري قصر النيل الساعة الرابعة عصر يوم 28 يناير على التلفزيون المصري فقط الصور كانت الدنيا زي الفل ومفيش أي حاجة والمذيعين في التلفزيون كانوا مصدقين واحنا اللى كنا هننهبل
يا مستني مبارك ياخد إعدام... يا مستني شيخ الأزهر يضرب برشام..................
بهدوء.. ازاي مبارك ياخد إعدام والجيش موجود مبارك هو حتى الآن صاحب القرار.. القضاء واقف يتفرج على أحمد رفعت... مبارك خلال الأيام القليلة القادمة براءة لا تخاف يا مبارك.. انت في حماية الجيش.
يا مستني بلدنا تبقى ديمقراطية....... يا مستني البيبسي ينزل مِ الحنفية.................
عايز آمارة على ان احنا ممكن نكون بلد ديمقراطي.. الجيش بيقول لينا على جثتي إنكم تعرفوا شيء عنها أصلاً ازاي بلد ديمقراطي والفريق أحمد شفيق ومحمد مرسي في جولة إعادة.
يا مستني دستور جديد وحكومة شريفة.............. يا مستني شاكيرا تسكن المزرعة السعيدة
دستور مين يا ابو دستور هو في حد في العالم بيعمل انتخابات وبعدين يحط دستور... وحكومة من مين الإخوان ولا من النظام السابق كفاية ضحك على أطيب شعب على وجه الأرض ياااااااااااااااااا جيش ويا مجلس شعب ويا................
يا مستني البنزين في المحطة........................... يا مستني جالاكسي تبقى بشطة.
بص تعالى نتفق على حاجة البنزين والسولار والغاز والحاجات دية مش بتاعة المواطن المصري أصلا.. ياااااااااااااااااااا أهل مصر.. إسرائيل منورة بغازكم ومصر منورة بأهلها.. ههههههههههه.
يا مستني الجيش يسلم السلطة.................... يا مستني عيد ميلاد من غير تورتة
تفتكر الجيش إمتى ممكن يسلم السلطة من غير أفلام وحوارات؟؟ أقول لك انا لما يحط في الدستور بنود تخلي الجيش فوق السلطة نفسها. ليه؟ علشان الجيش لو سلم السلطة دلوقتي هنقول عايزين نحاكم المشير وهو عارف كدة كويس.........
ومن دلوقتي يااااااا شعب مصر أحب أقول البلد دي بتضيع على يد كل من البرلمان والجيش والإخوان وشفيق والناس اللي مش فاهمة... عايز اقول أربع بنود مهمة واسيبك انت وهو وهي تقولو رأيكم فيهم.
1_يا مستني البرلمان يشيل الحكومة.............. يا مستني تشوف فيل من غير زلومة.........
2_يا مستني مبارك يدفع التمن غالي............ يا مستني توم كروز في الجزء الخامس من الدالي
3_يا مستني حاجة حلوة من البرلمان............ يا مستني ميسي مايجبش اجوان....................
4_يا مستني العسكر يتأدب............................. يا مستني ...................تتحجب.....................
يا مستني... هههههههه