600 أسره من أهالي النهضه والسلام يصرخون امام ماسبيرو

صورة أرشيفية
600 اسر مشرده... اهالي يشتكون باستمراربلا جدوي...اطفال تموت من ظلم المجتمع .. حكومه لا تري لاتسمع لاتتكلم... هذه هي حكاية اهالي السلام والنهضه التي بدأت في اليوم الذي كتبت فيه مصر اول يوم في مستقبلها القادم يوم 28يناير حينما قامت الثوره خاف اصحاب الاملاك علي املاكهم فماذا يفعلون هل يصمتوا ام يسترجعوا املاكهم بالقوه التي لم تاخذ من البديه ولكن لمجرد هاجس الاستعمار فقامو بطرد مستاجرين الشقق الذين ليس لهم ماموي غير تلك الشقق الذين اغلبهم من المطلقات والارمل والمرضي فقامو بطردهم بالبلطجه دون اعطاهم حتي متعلقاتهم وتستمر مائستهم مع الشارع لتستمر5شهور منذ تاريخ الثوره للممطاله بين المحافظه ومجلس الوزراء مع استمرار التشرد في الشورع.
الحاجه فتحيه عبدالسلام تبدا القصه وتقول احنا بقالنا 5شهور قلب الخيم بعض ما كنا مستاجرين بكرمتنا في شقق زي باقي الناس بس لما جت الثوره قالو ان كل واحد واخد شقه هيستولي عليها فطبعا لما اصحاب الشقق سمعوا الكلام ده قامو طردونا ورحنا نبلغ في المحافظه عملونا ورقه نروح بيها لمجلس الوزراء ورحنا قالونا هنسلمكم خيم لحد لما يتوفر لينا شقق وتقعدو في خيام النهضه مؤقتا لحد لما نشوف ليكم حل لما روحنا قعدنا وحصل فينا حاجات متتحكيش حصل عندنا حالة اغتصاب وطفل اتخطف عنده 9 سنين لحد ما تعبنا من العيشه وبقالنا حوالي شهر قدام ماسبيرو وكل شويه حد يقول هاتو الورق ومفيش حاجه بتحصل .
وتضيف نوسه انور وتقول دلوقتي اللي حصل من كام يوم ناس تابع الحكومه جت علشان تعطي لبعض الناس شقق وقاموا نادو علي 127اسره منهم 15 اسره بس تبعانا ولقينا فجاءه خدو ناس اول مره نشوفهم وسطنا احنا هنا حوالي 600اسره واللي مننا بس هما 15 اسره اللي استلموا والباقي مش تبعنا واكيد دول من الناس اللي دفعت فلوس ورشوي علشان لسه في ظلم.
ويقول احمد عبد الغني احنا معانا الورق بتاع المحافظه اللي روحنا بيه الي مجلس الوزراء والناس اللي خدو هما اللي دفعين فلوس واحنا متبهدلين في الشوارع كل الناس اللي استلمت استلمت بالرشوه واحنا المحتاجين اللي عيالنا مرميه بالشارع مخدناش حاجه ومعانا هنا الاغلبيه ارامل ومطلقات ومرضي ومعاقين يعني لو بمثلو مش هيستحملو 5شهور وهم اصحاب مرض محتاجين الراحه دايما مفيش انسان مش بيتمني بيقي عايش في راحة بال وامان .
وتضيف اماني سمير وتقول احنا امبارح مات طفل علشان هما قفلو الحمامات عننا وبقينا ننزل النيل علشان نخلص طلبتنا وهو ابوه نزل يشطفه فغرق منه وكل شويه تحصل حاجه زي كده بقالنا شهر مارمين قدام ماسبيرو والحكومه لاحياة لمن تنادي.
وتضيف نوسه انور بعد ذلك وتقول احنا كان في وحده مننا راحت للمحافظ وخبطها بالعربيه بتاعت سيادته وراح زارها في المستشفي وعرض عليها تاخذ شقه رفضت وقالت الناس دول زيهم زي لازم ياخذو شقق زي قالها قدمك يومين علشان تتنزلي عن القضيه اللي هي رفعها عليه ياما مش هتبقي علي قيد الحياه وفعلا يوم القضيه عملت حادثه قدام بيتها ومش ممكن ده يكون قضاء وقدر اكيد بفعل فاعل واحنا هنا متبهدلين بقالنا 5شهور بين خيام النهضه وقدام ماسبيرو نفسنا في حل ونعيش في امان علشان عيالنا بس .
وتظل المشكله في حالة جدل بين المسئولين في الحكومه والاطفال المشرده والاهالي الذين صمتوا من كثرة الشكوي دون جدوي لمطالبهم والي متي سوف تستمر هذه الاعتصامات ومصر تبني في تاريخها الحديث فكيف نبني وفي الاساس بيقي ظلم ومشاكل اجتماعيه في غياب العداله الاجتماعيه.