قولي شيكابالا بيلعب فين؟.. نجم الزمالك السابق يهاجم أوسوريو: خايف منه مش من المنافس

أبدى طارق السيد نجم الزمالك السابق، تخوفه من الكولومبي خوان كارلوس أوسوريو المدير الفني للفريق الأبيض، في المرحلة المقبلة.
قال طارق السيد عبر قناة المحور: "لازم الجهاز المعاون ل أوسوريو يتكلموا معاه في تثبيت التشكيل عشان اللي بيحصل حاليا صعب".
وأوضح: "الزمالك مش معاه إمكانيات عشان أوسوريو يستخدم سياسة التدوير بشكل مستمر لازم كل لاعب كمان يلعب في مركزه عشان نعيد الأمور مرة آخرى".
وأضاف: "سؤالي ل أوسوريو، هو شيكابالا بيلعب فين في الملعب؟، أنت عايز تلاعبه ايه؟ هتستفاد منه ازاي".
واختتم: "الخوف مش من منافسين الزمالك في الكونفدرالية أو الدوري الخوف من أوسوريو".
وكان نادي الزمالك وقع ضمن المجموعة الثانية في بطولة الكونفدرالية الأفريقية والتي تضم: سوار الغيني وابو سليم الليبي وساجرادا الأنجولي.