بعد خلافهما.. تفاصيل جلسة صلح رضا البحراوي وياسر الرماح

أعلن الفنان مصطفى كامل النقيب العام للمهن الموسيقية، اليوم الأربعاء، صلح المطرب الشعبي رضا البحراوي والمطرب ياسر الرماح في منزله.
وجاء في بيان نقابة المهن الموسيقية، الذي صدر منذ قليل: "تم التصالح بين البحراوي والرماح دون أن يتطرق أحد لأي خلافات سابقة وانتهت الجلسة على خير بينهما".
وأضاف البيان: "هذا ما تسعى إليه النقابة في عهد الفنان مصطفى كامل، أن تسود روح الحب والود والإحترام بين الأعضاء وليس التحقيقات والجزاءات".
وقال رضا البحراوي، خلال جلسة الصلح: "طبعا يا جماعة أخويا وحبيب قلبي نجم إسكندرية ونجم مصر أستاذ ياسر الرماح ولا في بينا أي حاجة.. الأغاني بتاعته بتاعتي واحنا أخوات وصحاب وحبايب برة أي حاجة، وأنا على المستوى الشخصي بره الفن أنا بعشق الراجل ده عشان الراجل ده أحلى مقابلة والرجولة الحلوة اللي أنا بموت فيه عم ياسر الرماح".
ورد ياسر الرماح على كلام البحراوي في جلسة الصلح: "يا جماعة ده في مقام أخويا الصغير عشان مكبرش نفسي مش هقول ابني طبعا.. وكل الأغاني بتاعتي كلها عشان خاطر رضا أحطها تحت رجله".
وتابع: "بشكر الراجل اللي بيصورني تخيلوا يا جماعة مين اللي بيصورنا ..ده النقيب المحترم والراجل المحترم أستاذ مصطفى كامل، والله بيصورنا بإيده والراجل ده جمعنا
في بيته بصفة شخصية قاعدين مع بعض".
وأضاف: "عايزين نشكره لأنه شاف المرار من الساعة 3 فجرا لغاية 6 أو 7 الصبح عشان يجمع بيني وبين رضا ويألف ما بين قلوبنا وبدون ذكر أسامي أغاني أي أغنية عملتها
ال11 ألبوم بالسناجل لو عايزها رضا ياخدها أنا بتكلم دوغري".
ووقعت أزمة بين رضا البحراوي وياسر الرماح بعدما اتهم الأخير الأول بسرقة أغنية "زمن الوحوش".
وكتب ياسر الرماح، عبر حساباته الشخصية على مواقع التواصل الإجتماعي: "جهزت شكوى لنقابة المهن الموسيقية والنقيب مصطفى كامل، وأخذت كل الطرق اللي تحفظلي حقي إن شاء الله في المحكمة الاقتصادية.. حق الله لازم أخده وأنا حقي لازم أخده، دي غنوتي، وده لحني أساسًا، وزمن الوحوش الكوبليه التاني فيها أنا اللي كتبته ب إيدي".