في ذكرى ميلاد محمود مرسي.. قصة زواجه من سميحة أيوب

يحتفل محبو الفنان القدير الراحل محمود مرسي بذكرى ميلاده، التي توافق اليوم 7 يونيو.
الفنان محمود مرسي له مسيرة طويلة في مجال الفن حيث شارك في أكثر من 90 عملًا على مدار مشواره الفني.
وتزوج الفنان محمود مرسي مرة واحدة من الفنانة سميحة أيوب وأنجب منها ابنه الوحيد علاء.
وتحدثت الفنانة سميحة أيوب عن عرض الزواج الذي تلقته من الراحل محمود مرسي، وقالت خلال لقاء قديم لها في برنامج "الستات ما يعرفوش يكدبوا" : "اشتغلنا مع بعض وحبينا بعض وما قولناش لبعض في صمت، معجب بيا وأنا معجبه بيه، وكنت بقول ياريت حد يعزمني على عيد ميلاد، وكنت بعرف انه بيسأل عني".
وأضافت: "ذات يوم رحت أزور زميل في حلوان لقيت محمود مرسي عنده، قالي مدام سميحة ممكن توصليني، أنا عارف إنك مش بتركبي حد معاكي في العربية، وقولت في عقلي أنا أخدك على الهند، وأخذته وقالي تعرفي إني معجب بيك جدا وقولتله أنا كمان معجبه بيك، استغرب جدا وقالي : "ما فيش حد بيقول كده".
وتابعت: "قالي على فكرة أنا مش بتجوز، فرديت مين جاب سيرة الجواز، وبعدها تلخبط في الكلام، وقال لي هروح قهوة أم كلثوم، ونزلته في شارع التحرير".
استكملت: "بعدها طلبني علشان أشتغل معاه، وشاهدته وقال لي أرجوكي أديني تليفونك، وكلمني وقالي عاوزك بس تنزلي نعمل "لفة"، وبعدها وقف وقالي لي "عاوز أتجوزك"، رديت عليه وقلت له موافقة.
استطردت: "سبب الطلاق شغلي، كنت مسافرة بعمل عمل في رأس البر، قالي الحياة كدا مش هتستقيم، وأنتي مش بتحبيني، ننفصل، قولتله ننفصل، وانفصلنا".
من المعروف عن الفنان محمود مرسي أنه كتب نعيه بنفسه، ذاكرا فيه أسماء أقرب الناس إليه وهم أصدقاء عمره، وأوصى أن يتم إذاعة النعي بعد وفاته، وتوفي الفنان محمود مرسي أثناء تصوير مسلسل " وهج الصيف" بأزمة قلبية، عام 2004.