بسمة وهبة تعاتب محمد فؤاد: كانت حركة ندالة

وجهت الإعلامية بسمة وهبة عتابًا للمطرب محمد فؤاد، على خلفية انهيارها بالدموع أثناء استضافته ببرنامجها "العرافة" وتقديمه أغنية "طمنى عليك" مؤكدة أنه تعمد أن يكسرها وأن هذه الأغنية تجدد شوقها لهم أثناء عدم وجودهم بجانبها.
وقالت خلال لقائها في برنامج ET بالعربي:" دي كانت حركة ندالة جدا من محمد فؤاد وكل اللي شغالين في البرنامج هما عارفين إن نقطة ضعفي ولادي .. من ساعة ما انفصلت عن والدهم وهم صغيرين وهم عايشين مع والدهم في بلد وأنا في بلد وأنا مت من يومها بس من غير ما اتدفن فده كان قهر وعذاب بالنسبالي .. محمد فؤاد غناها عشان ينكد عليا ويكسرني قبل الحلقة".
وأضافت عن عدم معرفتها بأي شئ في فقرة شيخ العرافين قبل الحلقة وقالت: " أنا عايزة أعلن إن أنا والله يا جماعة ما ببقى عارفة شيخ العرافين هيقول إيه .. وطلبوا مني أنا أكون الضيفة في أخر حلقة بس مرضتش خوفت وزعلوا مني قولتلهم لا ما أقعدش قدام شيخ العرافين لا .. عنده فريق وأسطول إعداد رهيب".
واختتمت كلامها بالحديث عن الحلقات اللي تم حذف أجزاء من حوارها مع الضيف وقالت: "اللي بيملك إن هو يقول إني بتدخل في حياته الشخصية قوي هو الضيف اللي قاعد قدامي مش الناس وأي ضيف بيطلب مني إني أحذف أي حاجة أنا بحذفها وأتحدى أي ضيف يطلع يقول غير كده أنا كلمتي عقد .. أكتر حلقة اتشال منها حاجات كتير حلقة رانيا يوسف لأن رانيا صريحة جدا إلى ما لا يتخيله عقل ودي ميزة مش عيب .. وحلقة علا غانم هي طلبت تشيل حاجات وشيلناها".
وقدمت بسمة وهبة برنامجها الحواري "العرافة" واستضافت خلاله عدد من أبرز نجوم الفن والإعلام وسط العديد من الأسئلة التي تتعلق بحياتهم الشخصية والعملية وسط العديد من الحلقات المثيرة للجدل.