عمرو أديب عن فشل دعوات الإخوان للتظاهر: عشان أنزل أنا انزل إنت الأول ورجالتك

علق الإعلامي عمرو أديب على فشل دعوات جماعة الإخوان للتظاهر اليوم الجمعة 11 نوفمبر، مشيرًا إلى أنه لم يتحدث من قبل عن هذه الدعوات.
وقال أديب، خلال برنامجه "الحكاية"، المُذاع عبر فضائية "mbc مصر"، مساء الجمعة: "لم يحدث شيء، ولكن لماذا لم ينزل المصريين؟"، متابعًا: البلد بقى عندها عقدة من المظاهرات واتبهدلت مظاهرات، الناس مش عايزة بهدلة وعايزة تقف على رجليها، ومحدش عايز يرجع هذه الذكريات.
وأضاف مقدم الحكاية: "المغفلين التلاتة قالوا للناس إمبارح إحنا غيرنا خطتنا وانزلوا دلوقتي، إنت أهبل يالا؟.. إنت بتكلم الشعب المصري، متعرفش التلاتة دول ملمومين على بعض ولا مربوطين بسلسلة واحدة، عشان أنزل أنا انزل إنت الأول ورجالتك، انت قاعد هناك في البغددة ومش هتنزل وعايزني أنزل".