كريم عبد العزيز يكشف سر الفراعنة الأكبر في احتفالية نقل المومياوات

قال الفنان كريم عبد العزيز، إن حضارة الفراعنة العظيمة حيّرت العالم لآلاف السنوات.
أضاف خلال كلمته في احتفالية نقل 22 مومياء ملكية من متحف التحرير إلى متحف الحضارة: "إزاي الفراعنة قدروا بأدوات بدائية يحفروا تحف معمارية في جبال صخرية؟ الهرم اتبنى إزاي؟ الشمس بتتعامد على وش رمسيس في ميعاد معين كل سنة إزاي؟".
تابع: "لآلاف السنين والناس بتسأل روحها.. إيه هو سر الفراعنة؟ لحد من حوالي أما نجح العالم الفرنسي شامبليون في فك رموز الكتابة الهيروغليفية من خلال حجر رشيد، وكانت الحقيقة على قد بساطتها مبهرة، سر الفراعنة مش مكتوب في بردية ولا منقوش على جدارية، سرهم مش بس معرفتهم بعلوم الفلك والطب والهندسة، ولا في العلوم اللي برعوا وتفوقوا فيها ونقلتها عنهم كل الحضارات".
واصل: "سر الفراعنة الأكبر هنا، في القلب، استقر في قلب المصري القديم عقيدة قوية وقيم الحب والعدل والخير والسلام، آمن المصري القديم بمفهوم الماعت والنظام الكوني اللي بينتصر للخير والعدل والمساواة، وبيرفض الفوضى والظلم، آمن بالثواب والعقاب والحياة بعد الموت والحساب، المصري القديم بإيمانه وعقيدته امتلك مفتاح الحياة".
وتنطلق مساء اليوم، 22 مومياء ملكية، في رحلة ينتظرها العالم من مقر عرضها الحالي في المتحف المصري بالتحرير إلى مكان عرضها الدائم في متحف الحضارة بالفسطاط في مصر القديمة.
وترجع أصول المومياوات الملكية إلى عصور الأسر (17، 18، 19، 20)، ويضم الموكب 18 مومياء لملوك و4 مومياوات لملكات.
ويرافق موكب المومياوات الملكية مظاهر احتفالية وافتتاح القاعة الرئيسية وقاعة المومياوات بالمتحف القومي للحضارة المصرية.