هنا الزاهد عن أحمد فهمي: "اللي في قلبه على لسانه ومش بيحب ينافق"

وجهت الفنانة هنا الزاهد رسالة لزوجها الفنان أحمد فهمي، عقب هجومه واعتذار لاعب نادي الزمالك شيكابالا.
ونشرت هنا صورة لفهمي، عبر صفحتها الشخصية بموقع "فيسبوك"، علقت عليها: "بعيدا إن شهادتي فيه مجروحة لأن الناس هتقول بتقول الكلام ده عشان جوزها، أنا لا بفهم في الكورة و لا بتفرج عليها بس بشوف قد إيه الانسان ده بيحب يكون عفوي و بينسى إنه ممثل و بيتعامل مع كل الناس بكل ذوق حتى في الشارع و في التصوير و في كل مكان و الناس اللي عرفاه عارفين ده كويس".
أضافت هنا :"أنا عارفة إن الناس بتفضل تقول لا ده ممثل مينفعش يقول رأيه، بس للأسف الانسان ده بينسى و بيخسر من كتر ما هو اللي في قلبه على لسانه و مش بيحب ينافق ولا بيرضي حد عشان يكسب جمهور زي م ناس كتير بتعمل كده، لما بيكتب رأيه بيكتبه على أكاونت فيسبوك اللي فيه صحابه زيه زي أي حد أهلاوي بس للأسف بتطلع أخبار بالكلام اللي بيقولوه، عموما أنا عايزة أقولك إنك قلبك طيب و عفوي بزيادة و بتقول اللي جواك من غير ماتحسبها عشان بتنسى إنك ممثل أصلا".
تابعت: "بس الأيام دي مينفعش تبقى كده للأسف، وأعمل اللي يريحك لإنك إنسان واحنا كده كده بنحبك جدا".
كان فهمي كتب، عبر حسابه الشخصي بموقع "فيسبوك": "رغم خلافي الشديد معه، ومفيش صلح لا من قريب ولا من بعيد بيني وبينه، لكن موضوع الكلب والفيديو ده حاجة عنصرية جدا الصراحة ومنظر بشع، إحنا جمهور كبير ومحترم وبنقول على الغلط غلط حتى لو طالع من عندنا، الاعتذار عن اللقطة دي واجب، بعتذر لك.. لكن موقفي منك لن يتغير"، حسب قوله .
بعيدا ان شهادتي في مجروحة لان الناس هتقول بقول الكلام ده عشان جوزها. انا لا بفهم في الكورة و لا بتفرج عليها بس بشوف قد...
Posted by Hannah El-Zahed on Sunday, November 29, 2020