نشرت الفنانة فريدة سيف النصر توضيحا عبر حسابها على فيس بوك لدورها في مسلسل الفتوة، وخيانة مساعديها لحسن الجبالي "ياسر جلال". وكتبت فريدة سيف النصر قائلة: "مقدرش على زعل جمهوري، يا جماعة يا اللي حبيتم الفتوة العمل العظيم وحبيتم شخصياته وحسن الجبالي حبيبي". وأضافت: "وحبيتم حاج أحمد رغم إنه ضيف، وبتلوموني ما تزعلوش وتقلبوا أنا والله ما أعرف ازاي طلعت خاينة أنا المفروض جدعة معاه ومش عايزه أتكلم هو أنتم شفتوني ولا كلام". وتابعت: " ما أنا مش موجودة بقى طيب واجهوني بيهم وبالرجالة وعزمي، ليه كده يا هاني سرحان (مؤلف الفتوة)، أنا حبيبتك من أول عمل لك الأب الروحي ده أنا والمنباوي كنا بنكلم نفسنا من اللي عملته في الحاج أحمد كمان بتقلب الناس عليا من حبهم لحسن ما أنت دراكولا الدراما مش أنا اللي سميتك كده". وواصلت "ياجماعة هو هاني كده يصعب عليه حد يفضل محبوب في شخصياته أو عايش ده أسلوب حياة، يعني تكلمني تصالحني وبعدها تروح تطلعها ندلة هاه هاتدافع عني بعمايلك دي ولا أتكلم أنا، هو كل حاجة من ورايا كده قفايا ورم يا ابني". مسلسل الفتوة من بطولة ياسر جلال ومي عمر ورياض الخولي من تأليف هاني سرحان وإخراج حسين المنباوي.
