نجيب ساويرس: الاستغناء عن موظفين الآن سيدفعهم للانتحار أو الإجرام

طالب المهندس ورجل الأعمال نجيب ساويرس، بسرعة عودة الحياة في مصر مرة أخرى بعد انتهاء مدة حظر التجوال، مضيفًا أن قطاع السياحة استنغى عن عمالة بالملايين والباقون يتحصلون على نصف الرواتب.
وأضاف "ساويرس" في مداخلة هاتفية مع برنامج "القاهرة الآن"، المذاع على فضائية "الحدث"، اليوم الأحد، أنه هناك شركات سياحية وغيرها أغلقوا منشأتهم السياحية بسبب توقف حركة السياحة لأن صاحب المنشاة اذا ظل يدفع رواتب سيعلن إفلاسه، لذلك أعلنوا عن خفض المرتبات والاستغناء عن العمالة الزائدة، متابعًا" الحكومة هتدفع لمين ولا مين، والناس اللي تم الاستغناء عنها ممكن ينتحرون بعد شهرين أو يتحولوا لمجرمين لأنهم مش عارفين ياكلوا أو يصرفوا على أسرهم".
وتابع: "في الظروف دي محدش بيفكر في فلوس أو مصلحته التفكير في الأكل والطعام، عايزين نعرف الفلاحين بيزرعوا ولا لأ مين هينقل البضاعة بتاعتهم ويجيبهم قبل وقت الحظر، هل العمالة والفلاحين بتشتغل دلوقتي ولا لأ، مفيش حل غير أننا بعد أسبوعين نرجع الشغل تاني".
وأكمل: "من الممكن تقليل كثافة العمال في الشركات والمصانع، ونعمل نظام شيفتات بالأيام الفردية والزوجية، لو كملنا بعد الحظر في نفس الوضع سنصل للإنهيار".