بالفيديو..أحمد فهمي: "فخور بعلاقتي مع هنيدي وكلنا شغالين في الكوميديا بسببه"

كشف الفنان أحمد فهمي، عن علاقته بالفنان محمد هنيدي على السوشيال ميديا، قائلًا:"كلنا شغالين في الكوميديا بسبب هنيدي"، مضيفًا:"هنيدي هو اللي فتح لجيل كبير أوي مجال الكوميديا بداية من إسماعيلية رايح جاي وصعيدي في الجامعة الأمريكية وهمام في أمستردام وكله جه بعد كده ودي حقيقة محدش يقدر ينكرها".
وأضاف "فهمي" في حواره لبرنامج "8 الصبح" على فضائية "دي إم سي" اليوم الأحد: "مستحيل أجي أنا بعد السنين دي كلها وأتريق على هنيدي وأكون قاصد، لا طبعًا، كل اللي بيحصل على السوشيال ميديا هزار وأحنا أصحاب جدًا، وكنا متجمعين في سفريتين السنة اللي فاتت".
وأكد:"علاقتي بهنيدي حلوة جدًا جدًا، ومهما رميت أفيه عليه هو ذهنه حاضر أكتر مننا بكتير، وناس كتير وجهت الهزار لأني بدعم كريم فهمي أخويا بسبب فيلمه الجديد، ودا جنان رسمي، لأن أخويا نفسه ميقدرش يتكلم على هنيدي لأنه حاجة كبيرة وأنا افتخر أني بهزر مع هنيدي وهو سايبلي مساحة الهزار دي معاه".