تامر حسني يعلق على اعتزال "حسام غالي": "ربنا يكون في عونك"

علق الفنان تامر حسني، على قرار اعتزال اللاعب حسام غالي، كابتن فريق النادي الأهلي، والذي أعلنه مؤخرًا، عبر صفحته الرسمية بموقع التواصل الاجتماعي "فيس بوك".
وكتب "تامر" عبر تدوينته المنشورة على حسابه، معبرًا عن استيائه من الضغوط التي تعرض لها اللاعب قائلًا: "تحليل شخصي مش أكتر، وأتمنى يطلع غلط، بس واثق إنه صح، اللي يقرأ بين السطور ويركز في كلمة هنا عايز يرتاح وتحديدًا كلمة "مش قادر"، يلاقي إن الراجل ده بيبكي من الضغوط والحروب النفسية اللي اتعرض ليها في حياته، رغم إنه بالفعل من أحسن وأرقى لاعبي مصر، بيبكي وبياخد قرار ينهي بيه حياته الكروية".
وأشار تامر في منشوره قائلًا: بسبب "طاقة سلبية" خرجت من نفوس شريرة مريضة، تملكت منه، وسيطرت عليه، بخلاف اللي بينصح بمحبة، فهو مشكور في الحقيقة، يا حسام انت فعلًا تقدر تكمل".
وتابع : "أنا مش ضد القرار؛ لأن اعتزالك وانت في قمتك، هيخلد اسمك، أنا بس كان نفسي تاخد القرار من غير أي تأثير سلبي عليك، عشان كان لازم تكسب المعركة دي، عشان الأجيال الجاية، تتعلم منك ميستسلموش لأي طاقة سلبية، عمومًا ربنا يكون في عونك، وانت أدرى من أي شخص بحالك، وإن شاء الله ربنا يكتب الصالح ليك، وهتوحشنا في الملاعب يا بطل.. وأتمنى إنك تعمل ماتش اعتزال تاني في مصر، عشان محبينك الكتار اللي مش هيقدروا يسافروا".
من جانب آخر قدم الفنان تامر حسني تهنئته إلى نجم منتخب مصر "محمد صلاح" عبر حسابه الرسمي قائلًا: "مليون مبروووووك لأول مصري في التاريخ يحصل على جائزة أحسن لاعب في الدوري الإنجليزي عقبال أحسن لاعب في العالم قريباً إن شاء الله وافتكروا كلامي ..شرفت مصر والعرب يا بطل ربنا ينصرك ويحميك لأهلك ولبلدك ولوطنك".