زينة تطلب من جمهورها الدعاء للطفلة فريدة

طلبت الفنانة زينة من جمهورها الدعاء للطفلة فريدة ذات الخمسة أشهر والمصابة بالضمور العضلي الشوكي، والتي انتشرت صورها عبر مواقع التواصل الاجتماعي.
ونشرت زينة صورة لها عبر صفحتها الشخصية بموقع تبادل الصور والفيديوهات "انستجرام"، قائلة :" البنت دي اسمها فريدة وعندها مرض خطير ضمور عضلي وتفاصيل كتير مش عاوزه اشغلكم بيها، علاجها محتاج 15 مليون جنيه من كتر ما كنت فاقدة الأمل ان اقدر اساعد ان نلم لها الفلوس دي يأست وعيطت مع نفسي وقلت يارب تشفيها لامها ".
وتابعت " وكالعادة ربنا دايما اكبر من فلوس وأي مرض ورحمته اكبر من ما ممكن نتخيل ....الإعلامي عمرو اديب النهارده جاب لها واحد متبرع بكل علاج فريدة ربنا يكرم الراجل ده انه اتبرع لها بمبلغ كبير كده ربنا يخلي له ولاده ويديله علي اد عمله يا رب".
وأضافت:" المطلوب منكم تدعوا لفريده تقاوم المرض لغاية ما تسافر أمريكا وتتعالج وتقوم بالسلامة لامها يا رب لو كل واحد هنا قرا سورة في القران بنية ان ربنا يشفي فريدة اكيد ربنا مش هايكسفنا .....ربنا يكفيكم ويكفينا شر مرض اَي طفل دي أصعب حاجه علي اَي أم".
ومن ناحية أخري تواصل زينة تصوير فيلمها الجديد كارما للمخرج خالد يوسف ويشاركها البطولة كل من غادة عبد الرازق، عمرو سعد، ماجد المصري، دلال عبد العزيز، حسن الرداد.