كلمة السيسي لرجال الشرطة في 10 نقاط

أكد الرئيس عبد الفتاح السيسي أن من يخطأ من ضباط الشرطة سوف يحاسب، مشيرا في نفس الوقت بالدور الذي قامت به قوات الأمن في تأمين العملية الانتخابية التي انتهت يوم الأربعاء.
والتقى السيسي مع طلبة أكاديمية الشرطة شرق القاهرة اليوم الخميس.
وإليكم أبرز ما جاء في كلمة السيسي:
- لما قولنا عايزين نرسخ دولة القانون دي ممارسات صعبة علينا،ضابط الشرطة من حقك انك تبقه منتمي للجهاز وتدافع عنه بس عايزك تبقه منصف ومتجرد لنطبق دولة القانون، واذا سمعنا أن في أحد أخطأ لا يمكن ابدا أن ينسجم هذا الخطأ مع كل الناس.
- عايزين نحافظ دايما على القيمة العظيمة اللي بتقدموها للناس وانتم بتقدموا قيمة عظيمة اوي عارف يعني ايه مواطن يبقة ماشي في الشارع أمن على حياته وعرضه وست مصرية ماشية في الشارع آمنة، دة في رقبتكم وعلى كتافكم.
- احنا محتاجين كلنا بعض ونخلي بالنا من بعضنا ولازم القادة الكبار أن يكون تحركهم لإعطاء المثل والقدوة والنصيحة ولما حد يخطأ سيتحاسب ودة أمر لازم ناخد بالنا منه في مؤسسات الدولة وان أخطأ فرد مينفعش نتهم جهاز كامل.
- احنا بنتكلم على اد ايه من نقط الشرطة والاقسام والمديريات، مايقرب م 300 في كل مصر ونسب التجاوز هتبقة في قسم ولا اتنين، احنا بنرفضها ولكن مش ال300 قسم، ودي مش الرسالة اللي جاي ليها الحقيقية، انا جاي اشكركم واقولكم شهدائنا اللي لسة دمهم في رفح والعريش لسة منشفش دي مهمتكم أن تقدموا حياتكم وارواحكم لبلدنا، وجاي اشكركم على جهد الانتخابات كتأمين وعدم التدخل أمر مقدر، والشرطة تقوم بالموضوع بمنتهي التجرد والحيادية والمواطن داخل آمن بينتخب ولابد من مزيد من الجهد .
- عايز بفضل الله وبفضل جهدكم حجم الأمان والاستقرار يبقة كبير ومفيش انسان يبقة ماشي يمسّ، ويحرص افراد الشرطة كلهم أن المواطن الذي تتعامل معه هو في الأخر أخوك او أكثر من ذلك.
- انا متفهم ان في ضغوط كتير وحجم الجهد المطلوب لضبط الموقف لمكافحة الارهاب كبير، ولكن أنتم أهل لذلك وتستحملوه واكتر من كدة 10 مرات ومصر متعلقة في رقبتكم انتم والجيش.
- كل المحاولات للمساس بأمن مصر انتم ادها ودائما موفقين ودائما تقدموا المثل والقدوة للمواطن المصري في تعاملكم معه على مدار ال24 ساعة.
- محاولة الإساءة وكسر الوحدة والاصطفاف الذي تحقق العامين الماضين لن ينتهي ومحاولة كسر وحدة الوطن والجيش والشعب والشرطة لن تنتهي، والشائعات والكذب والافتراء والدسائس لن ينتهي ولابد من المزيد من التلاحم والتضحية والعطاء.
- طول ما انتم موجودين خلوا الهدف الاكبر هو الحفاظ على مصر واحنا نتعامل مع المسألة بإخلاص وأمانة وبشرف، ومن يتمسك بالقيم دي لازم ينجح ودة نص من ربنا للناس اللي بتحفظ عهده.
- نعلق في رقابكم جميعا أمن وسلام المصريين لو لقدر الله حصل حاجة لبلدنا، وعمود مصر اللي واقف على حيله هو اللي صالب ومانع أن تكون المنطقة فوضي.