طريقة عمل أرز بالخلطة

* وقت التحضير : 15 دقيقة
* وقت الطهي : 40 دقيقة
* الوقت الكلى : 55 دقيقة
عدد الاشخاص
يمكنك تغيير عدد الاشخاص
المقادير
* 4 x معلقة كبيرة زيت ذرة
* 2 x كوب (140 جرام) ماء
* 2 x كوب (240 مللى) مرق الدجاج
* 2 x عدد ورق لورا
* 2 x كوب (140 جرام) أرز عادى
* 2 x معلقة صغيرة ملح
* 1 x معلقة كبيرة سكر
* 1 x رشة ملح
* 1 x معلقة كبيرة زبدة
* 1 x معلقة صغيرة حبهان
* 1 x رشة فلفل اسود مطحون
* ½ x كوب (140 جرام) بندق (مقشر ومقسوم نصفين ومحمص)
* ½ x كوب (140 جرام) لوز (مقشر ومقسوم نصفين ومحمص)
* ¼ x معلقة صغيرة قرفة
* ¼ x كيلو كبدة (دجاج)
الخطوات
1. فى حلة على نار متوسطة هنضيف الزيت والأرز ونقلبه حوالى ربع ساعة أو لحد ما يتحول للون البنى
2. بعد كده هنضيف السكر ونقلب دقيقتين كمان وبعدين هنضيف المرقة والماء والحبهان وورق اللورا والملح
3. هنسيب الأرز على النار لحد ما الماء يغلى وبعد كده هنوطى النار ونغطى الحلة
4. بعد حوالى ربع ساعة هنقلب الأرز تقليب خفيف بمعلقة خشب ونسيبه كمان ربع ساعة لحد ما يستوى
5. هنقطع كبد الدجاج قطع صغيرة أو متوسطة وفى طاسة على النار هنحمرها فى الزبدة مع رشة ملح ورشة فلفل
6. هنضيف الرز لطبق التقديم ونزينه بالمكسرات وكبد الفراخ
ملاحظات
ممكن نحمر شوية زبيب فى معلقة زيت ونضيفهم للخلطة, وعلشان نتأكد ان الأرز استوى بناخد حباية ونهرسها, لو فيها جزء ناشف يبقى لسه مستواش.
كمية الملح مسألة رغبة شخصية وممكن تزيد أو تقل حسب الحاجة.

يمكنك متابعة أهم وأحدث المقالات على الفيس بوك عبر صفحة مصراوى - هو وهي