بالفيديو .. السيسي لأهالي شهداء قوات حرس الحدود: ''يا ريتني كنت بدل ولادكم''

''شد حيلك''.. هكذا بدأ الرئيس عبد الفتاح السيسي، كلماتة لأسر ضحايا الهجوم الإرهابي الذي خلف 22 قتيلا، من أبناء للقوات المسلحة .
جاء ذلك خلال الجنازة العسكرية التي نظمتها القوات المسلحة، عصر اليوم، بمطار ألماظة، بحضور الرئيس عبد الفتاح السيسي، وصدقي صبحي، وزير الدفاع والانتاج الحربي، والمهندس إبراهيم محلب، رئيس مجلس الوزراء .
وقال السيسي، لأهالي الضحايا، '' أوعوا تفتكرو ان اللي بيحصل ده أول واخر مرة، لا دي معركة كبيرة، وكان قدامنا خيارين يا الناس تموت بعضها، يا الجيش يخش يموت، وولادكم هما ولادي وولادنا كلنا، واللي مات مش ابنك انت بس وراح فدا المصريين'' .
وتابع السيسي، ''المجرمين اللي بيهاجمونا مش هنسيبهم، اوعوا تفتكروا انتوا بس اللي زعلانين احنا كمان مهمومين، وربنا نجانا بأخوك وابنك، انا بعزيكم وبعزي كل مصري، اللي استشهد فدانا كلنا وكمان دمة في رقابتنا كلنا'' .
وتعهد القائد الأعلى للقوات المسلحة بالقصاص من قتلة شهداء الحادث الإرهابي في الوادي الجديد وقال'' إن الشهداء هم أولادنا جميعا، ونتقدم بالعزاء للشعب المصري وليس أسر الشهداء فقط ، ان دماء الشهداء في رقابنا جميعا''.
ولفت السيسي إلى أن هذه هي المرة الأولى التي تستهدف فيها مصر بهذه الطريقة.. وأكد أن جميع المصريين يشاطرون أهالي الشهداء همهم وحزنهم على فراق أبنائهم.
وقال الرئيس السيسي لأسر الشهداء خلال مراسم تشييعهم بمطار ألماظة بحضور رئيس الوزراء المهندس إبراهيم محلب ووزير الدفاع والقائد العام للقوات المسلحة الفريق أول صدقي صبحي : ''الآن نحن في حرب علي مصر كلها واللي مات دول أولادنا كلنا مش ابنكم بس، مصر مستهدفه وانظروا لما يحدث حولنا في سوريا وليبيا والعراق''.
وأضاف:''هقولكم علي حاجة تبرد ناركم مصر كلها حزينة علي اللي مات وربنا نجانا بشهدائنا ابنك وابنه وبعزيكم وبعزي كل مصر وأقول اللي استشهد ده ابن لكل المصريين ودمه في رقبتنا كلنا ومش هننسى والجيش مش هينسى ولا الشرطة وعايزين نشوف بلدنا في خير وسلام ،العدو مش عايز كده ودي أكبر أزمة تمر بها مصر والمنطقة كلها''.
وتابع السيسي:'' انا مش بنسي والجيش والشرطة مش بينسوا حق الشهداء.. نحن نريد الإصلاح نريد ان نرى مصر بخير وسلام''.. وقال ''ان هذه أكبر أزمة بتمر ليس فقط بمصر وإنما بالمنطقة بالكامل''.
وأختتم رئيس الجمهورية كلماته أثناء تقديم واجب العزاء، ''عاوزين الناس تعيش في سلام، دي أكبر أزمة بتمر مش بمصر بس دة بالمنطقة كلها، وياريتني كنت بدل ولادكم''.
لمشاهدة الفيديو .. اضغط هنا