''رضا''.. ''تي شيرت السيسي'' لا يفارقه لكن ''مش عايزه يبقى رئيس''

تصوير - إشراق أحمد:
وسط زحام سوق ''الناصرية'' بمحافظة القاهرة، وقف ''رضا'' يصب أكياس مشروبات رمضان من السوبيا والعرقسوس والتمر الهندي وغيرها لزبائنه قبيل موعد الإفطار، وليجذبهم من خلال قائمة المشروبات المثلجة التي تسري رمقهم في شهر أتى في ''عز الحر''، لكن شيئًا آخر لفت انتباههم لدى ''رضا''.
صورة ''عبد الفتاح السيسي''، وزير الدفاع، مذيلة بعبارة ''لا للعنف'' هى موقفه السياسي؛ ف''رضا'' بائع المثلجات الرمضانية له أيضًا موقفًا لا يقل عن موقف من يراهم في ''تليفزيون'' القهوة المجاورة لفرشته الصغيرة، لكنه اختار أن يكون موقفه ''صورة على صدره''.
''أنا بحب السيسي عشان راجل، الحركة اللي عملها كانت حركة رجالة، هو خلصنا من اللي كنا فيه''.. كلمات حاسمة يقولها لك ''رضا'' إذا سالته عن سبب صورة ''السيسي'' على صدره ''التي شيرت ده بلبسه من شهر، كنت أول واحد ألبس تي شيرت عليه صورة السيسي''.
يتعرض ''رضا'' بطبيعة الحال لردود فعل من زبائنه في الشارع بين مرحبٍ بموقفه أو مهاجم لموقفه الذي اختار أن يعلنه على الملأ '' بسبب الصورة ساعات ناس تتبسط، وساعات ناس تهاجمني وبيبقوا إخوان، وفي ناس من صحابي زعلوا مني عشان حطيت صورته واتهاجمت''.
وعلى الرغم من إعجاب ''رضا'' بموقف وزير الدفاع تجاه ''مرسي'' وجماعة ''الإخوان المسلمين''، إلا أنه لا يرى أن ''السيسي'' يصلح رئيسًا للبلاد ''أنا مش عايزه يمسك رئيس جمهورية، هو كويس كده في منصبه وواخد وضعه، لو مسك مش هيعمل حاجة زي وهو وزير دفاع، وبعدين مش عايزين حد عسكري يمسك البلد، إحنا وافقنا إنه يمسكها فترة كده عشان دلوقتي مفيش حد، لكن أما نعمل انتخابات هختار حد مدني''.
كما عبر ''رضا'' عن موقفه أكثر من مرة في تظاهرات ميدان التحرير ضد ''مرسي'' وبعدها في مظاهرات تفويض الجيش''، أما أبنائه ''محمد'' و''آدهم''؛ فصغر سنهما لم يجعلهما بمنأى عما يحدث؛ إذ يشرح لهم ''رضا'' دائمًا آخر التطورات السياسية.
وعن أجواء رمضان، يرى ''رضا'' أن السياسة غيرت من الأجواء الرمضانية إلى الأسوأ، مؤكدًا أن ''للأسف الحالة واقفة ورمضان الناس مش حاسة بيه زي زمان، عشان الناس اللي بتموت كل يوم دي''.