تصريحات الجهاز الفني الجديد للأهلي بعد المؤتمر الصحفي لمانويل جوزيه

لسة معرفش مستواهم البدني ... لكن هاشوف المستوى وبعدين أجهز البرنامج الأسرع لإعادتهم للفورمه سريعا... لكل اللاعبين ولو في تدريبات خاصة للاعب معين أكيد هعملها.
بيدرو بارني المدرب العام
الأهلي نادي كبير ودي فكرتي عنه لكن بعد حضوري الفكرة دي إقتنعت بيها تماما وانا هنا لأكسب البطولات مع الفريق..
عن تجهيزه ليصبح خليفة مانويل جوزيه بالأهلي بعد اعتزاله.. قال "المهم دلوقتي والمستقبل هانشوف ايه اللي هايحصل"
أحمد ناجي مدرب حراس المرمى
كلنا أبناء الأهلي وبعد قرار لجنة الكورة بعودتي للتدريب سعدت جدا لعودة مانويل جوزيه ، وكلنا بنبقى سعداء لما النادي بيطلبنا للشغل.
عن مستوى أحمد عادل في مباراة الزمالك
نتمنى الفترة اللي جاية يبقى في تنافس كبير بين الحراس علشان نوصل لتحقيق أهداف الفريق ككل.
أوسكار محلل آداء اللاعبين
عن كونه أول محلل لآداء اللاعبين في مصر.. تقدم بالشكر للأهلي وإدارته ولمانويل جوزيه لطلبه انه يجي معاه مصر.. وقال انه عارف بشعبية الكرة في مصر .. انا بسجل المباريات فيديو بتكنيك جديد علشان أوري اللاعبين أخطائهم علشان نساعد اللاعبين على الآداء الفردي والجماعي.
عن تاثيره على الفريق هيظهر إمتى.. مقدرش أحدد إمتى.. الموضوع مش زي دواء الصداع ممكن يبان بعد شهرين أو تلاتة يبان الفرق لكن ده مش أكيد ممكن أسرع برضه.
محمد يوسف المدرب المساعد
بشكر لجنة الكورة اللي حطت ثقتنها فيا وفي الجهاز الفني وهنعمل كل جهدنا للعودة للمستوى المعروف عن الفريق.
اللاعبين استقبلوا المدير الفني بكل حب وترحاب .. وواضح من استقبالهم ان فيه علاقة وطيدة جدا بمانويل جوزيه.. وباين جدا روح الأسرة بين الفريق والجهاز الفني