"المؤلف والسيناريست والمخرج "محمد دياب" يحتفل مع الكلماوية بنجاح فيلمه 678

فيلم 678 من الأفلام القليلة اللي اجتمعت عليها كل الأراء أنه فيلم ناجح وبيناقش قضية مهمة بشكل محترم .
الفيلم شارك في مهرجان دبي للسينما وحصد جائزتين وإشادة من نقاد وجمهور دبي ،وبالرغم من إن عرضه في مصر بدأ من اسبوعين بس إلا انه حقق نجاح كبير بين الجمهور والنقاد.
النجاح ده أسعد صناع الفيلم وعلى رأسهم " محمد دياب " لأنه صاحب الفكرة والسيناريو والاخراج ، ولأنه حريص انه يعرف رأي الكلماوية في الفيلم خاصة انهم هم من أطلقوا حملة "احترم... نفسك " ضد التحرش، التي أقمناها في المجلة منذ عامين ،وكان من الداعمين لهم، ووقتها عرفنا إن الأستاذ محمد دياب هيعمل فيلم يناقش هذه القضية المهمة.
عشان كده قررنا نتفرج على الفيلم مع الأستاذ محمد دياب وبعد الفيلم هيكون في مناقشة مفتوحة عن الفيلم.
هنشوف الفيلم في سينما نايل سيتي يوم الأحد الساعة 12