الش..سبب تسمية أماكن بهذا الاسم

المهندس اللي بناة كان واقف علية فالسيجارة وقعت منة فقال - اوبااااااااااااا
--------------------
وادي النطرون
كان في طفلين اخوات بيلعبو بالنطرون واتخانقوا فجة ابوهم و راح رامي النطرون
و قال لهم - وااااااادى النطرون - اللي انتو بتتخانقوا عليه
-------------------
الوادي الجديد
لما الأخوات اتصالحوا أبوهم جابلهم نطرون جديد بس اتخانقوا تانى
فقام أبوهم مسكه و رماه و قال - واااااااادى الجديد
---------------------
المطرية
في بداية نشأتها عام 1465 م
كان في 3 مهندسين شغالين في مشاريع الحفر و حبوا ياخدوا راحة
فواحد بيقول للتاني ما تعد يا باشمهندز علي الكنبه
راح رد عليه لا دي كنبه ناشفة
رد عليه : فين يا عم ده - مطرية - أهي وزي الفل
ومن هنا سميت المطرية
--------------------
بورسعيد
كان في واحد اسمه عيد ده كان بلطجي و بيحب يعمل مقالب في الناس
و كان عنده برص كان يقعد يرميه ع الناس عشان بقرفهم
و مكانش حد بيقدر يكلمه كله كان بيخاف منه
و في يوم جه واحد من مدينة تانية بعيدة فعيد رمى عليه البرص
فده تلقائي قام قلع الشبشب و طراااااااخخ على البرص
فكان في راجل كبير واقف قاله انت عملت اييه يا مجنون
فقاله قتلت البرص
قاله يخرب بيتك دة - برص عيد -
و من ساعتها و المكان دة اسمه بورسعيد
--------------------
الإسكندرية
كان فيه احتلال انجليزي علي شاطي مدينة وكان قائد الجيش اسمه اندرية
فلما واحد سأل علي المكان ده قالوا
- ask Andria -
فسموهاإسكندرية
-------------------
الإسماعيلية
كان فى خروف زمان كانت ليته بتعمل صوت
فكل اللى يجي عندو يقول للتانى - اسمع اللية - فتسمت بقى بعد كدا اسماعيلية
--------------------
المعادى
عشان وهم بيعملوا الكورنيش واحد قلع هدومه ملط و حب ينط في النيل
ولما سألوه :إنت إتجننت في عقل أهلك ؟؟ قاللهم - معادي - إيه المشكله يعني ؟
--------------------
حلوان
علشان اتنين شباب بيعاكسوا اتنين بنات بيقولو لهم انتو بنتين حلوين
فالتاني قالو لأ لازم ترفع الخبر فرجع وقال انتوا بنتان – حلوان
---------------------
سوهاج
كان فى مدينة واحد عملاق صينى اسمه سو
وكان لازم كل يوم ياخد اكل من الناس
و فى يوم مأكلش فهاج عليهم
فواحد لقى الناس بتجرى قال لهم فى ايه
قالولوا - (سو) هاج - فسموها سوهاج