صحيح مش متربيين

وحشتنا قوى يا ريس ,,
وحشنا الجوع والظلم ,,
وحشنا الفقر واكل المر ,,
مش حرام عليك تسيب ولادك
,, وتحرمنا من عذابك وعذاب اللى جابك ,,
متأسفين لجنابك ,,
كنا عايشين متسرطنين ومتكيفين ,,
بناكل اكلنا من الزباله ومستريحين ,,
شباب تايه وكل شغله الشاغل ماتش كوره ولا مين ضرب فمين ,,
ولا تعمل فتنه وتولع كنيسه وهوا هوا نفس السيناريو القديم ,,
لأ لأ متأسفين ,, دا احنا صحيح مش متربين ,,
حد يغلط فصاحب اول ضربه جويه ,,
حد يغلط فاللى باع القضيه ,,
حد يغلط فصاحب الكبارى والمنشأت ,,
حد يغلط فصاحب العشوئيات ,,
لأ لأ صحيح دا احنا مش متربين ,,
طلعلنا صوت ,, ومن الصوت طلع الف صوت وصوت ,,
, ووقت ما انشق صوتنا واتكلم ,, طلع من عز السكوت ,,
لا خوف همنا ,,
ولا امن دوله عرفت تلمنا ,,
وفقلب الميدان فضلنا مستنين ,,
وخطابات حضرتك اللى طلعت من جوانا كل شيطان رجيم ,,
مش لينا حق والله العظيم ,,
يا سعاده الريس والله متشكرين ,,
عرفنا قيمه نفسنا اللى نسيناها طول السنين ,,
صحيح احنا مش متربين