تناقض

انا جوه منى كل حاجة واى حاجة عكسها
...
انا اللى راضى بكل حاجة وعيشتى كفران منها
...
انا اللى بصرخ م البكى واضحك بصرخة زيها
...
انا اللى كاره الحياه وحياتى دبت فحبها
...
انا اللى ماقبل اعيش فذل وعيشتى راضى بذلها
...
وانا اللى قلت حياتى غلب لكن جمالها فغلبها
...
انا اللى لما تزيد مشاكلى اكبر دماغى وافكها
...
ولو اطير مالفرحة يوم تنزل دموعى فوقتها
...
بخاف على اختى مالولد وكل واحدة ابحلقلها
...
دايما بوعى م العيبة غيرى والعيبة بعمل اختها
...
انا جوه منى حنان كتير وقسوة مافى زيها
...
ازاى يكون على الله تكالى وحياتى خايف منها
...
وازاى اشوف من بلدى الف والف هم وقلبى معجون بحبها
...
انا جنب منى ناس كتير والوحده لسه بحسها
...
ماشى فبلادى ولسه حاسس بغربة جوه جضنها
...
انا شاب يجوز لكن عجوز من عيشه دايق مرها
...
برفع ايديا واقول يارب وانا عبادته هجرتها
...
البسمه برسمها فشفايفى وبدارى حزنى فرسمها
...
بقول انا اذكى الاذكياء وده من غبائى قولتها
...
شرير لئيم مؤذى وعنيف وطيبتى مافى بعدها
...
انا اللى بدى الناس امل واليأس حاجة ادمنتها
...
انا اللى طاير فالسما والارض مرمى فوحلها
...
انا كل حاجة بحبها وكل حاجة كرهتها
...
انا اللي بدي أمل لبكره..وجوه مني الأمل انتهى
...
حليت مشاكل كل الناس ومشاكلي مش لاقي حلها