بالصور : بوستر البوم عمرو دياب الجديد و كل تفاصيله

اخيرا بعد كتر الكلام عن البوم الهضبة عمرو دياب الجديد نزل اخيرا اللوك اللي عامله عمرو علي الصفحة الرسمية ليه علي الفيسبوك واللي من الواضح انه حيكون غلاف البومه الجديد "بنادي عليك" واللي حينزل اخر شهر سبتمبر ، وهيكون فيه 12 أغنية لحن منها عمرو 8 أغنيات لوحده، و3 مشترك مع ملحنين.دي مش أول مره يغنى فيها عمرو من ألحانه، وكان ديماً بيشارك في الألبوم بتاعه بلحن أو لحنيين لكن الجديد أن عمرو يلحن 8 أغاني بنفسه ..
ومن ناحية تانية عمرو نزل الصورة دي ومعاها ال 12 اغنية دول بارقام الكول تون بتاعتها ده غير انها نزلت علي خط غنيللي وهي الخدمة اللي عملتها روتانا مع موبينيل وحطوا عليها 30 ثانية من كل اغنية ، وبيضم الألبوم أغانى "بناديك تعالى" من كلمات تامر حسين، وألحان عمرو دياب، “وهالله هالله” من كلمات تامر حسين، وألحان عمرو مصطفى ورؤية موسيقية ومشاركة فى الألحان عمرو دياب، و”ألومك ليه” من كلمات أيمن بهجت قمر، وألحان عمرو دياب، و”ياريت سنك” من كلمات بهاء الدين محمد، وألحان عمرو دياب، و”عارف حبيبى” من كلمات أيمن بهجت قمر، وألحان عمرو دياب، و”يوم ما اتقابلنا” من كلمات تامر حسين، وألحان عمرو دياب، و”معاك برتاح” من كلمات أمير طعيمة، وألحان أحمد صلاح حسنى، وعمرو دياب، و”هى حياتى” من كلمات مجدى النجار، وألحان عمرو دياب، و”تجربة وعدت” من كلمات مجدى النجار، وألحان عمرو دياب، و”أغلى من عمرى” كلمات مجدى النجار، وألحان عادل حقى وعمرو دياب، و”مالى عينيا” من كلمات تامر حسين، وألحان عمرو دياب، و”ما أقدرش أنا” كلمات تامر حسين وألحان عمرو طنطاوى، وعادل حقي هو اللي وزع كل الألبوم.