بصراحة شديدة

شكراً‮ ‬ياريس

‮ ‬اصحي‮ ‬يا راجل
‮ ‬يا وليه عايز انام
‮ ‬يا راجل الظهر أذِّن
‮ ‬‮ ‬حرام عليكي‮ ‬يا شيخة‮.. ‬كنت عايش حلم جميل‮.. ‬منك لله
‮ ‬الله‮ ‬يسامحك‮.. ‬احكي لي الحلم
‮‬‮‬‮ ‬التليفون رن كذا مرة‮.. ‬وكلما أغلقته‮ ‬يطلبني بإصرار‮.. ‬صحيت ورديت عليه،‮ ‬وفوجئت اللهم اجعله خير أن رئاسة الجمهورية علي الخط‮.‬
‮ ‬وبعدين‮ ‬يا مخبول‮.‬
‮ ‬قالولي‮.. ‬الرئيس السيسي حيكلمك بعد ربع ساعة من الآن‮.‬
صرخت‮.. ‬أنا‮.. ‬أنا‮.. ‬دانا‮ ‬غلبان‮.. ‬فردوا عليَّ‮ ‬وهدوني وقالولي أنت مواطن شريف وبتحب الكوره ومهموم ومتضايق علي ما‮ ‬يحدث في الملاعب مش كده؟‮! ‬قلت للمتصل‮: ‬تمام‮ ‬يافندم والله العظيم‮.. ‬وحدث صمت رهيب وأغلقوا التليفون‮.‬
‮ ‬وبعدين‮ ‬يا فشّار‮..‬
‮ ‬رن التليفون مرة ثانية وأنا مرتعش‮.. ‬آلوه‮ ‬يا فندم‮.. ‬أنا الرئيس السيسي وأهلاً‮ ‬بك‮ ‬يا مواطن‮.. ‬ما تخافش‮.. ‬أنا وصلتني معلومات أنك وقفت في القهوة وقلت للناس أنك بتحلم ان الرئيس‮ ‬يصدر قرار ولا‮ ‬يخشي أحد لأن مصر كلها بتحبه ويفتح الملاعب للجماهير ولا‮ ‬يوجد في الملعب شرطة إلا أعلي المدرجات وخارج الملاعب ثقة منك في الشعب،‮ ‬وما تخافش‮ ‬ياريس البلد عايزه‮ »‬‬دكر‮» ‬لا‮ ‬يخاف إرهاب ولا عيال هايفة اسمها التراس‮.. ‬وقلت لو السيسي جاد‮.. ‬الملاعب تفتح من بكرة في حماية الشعب ولا تخاف من إخوان ولا بلطجية وتعيد هيبة الدولة‮.‬
‮ ‬كمل‮ ‬يا خويا‮!!‬
‮ ‬‮ ‬قلت له تمام‮.. ‬تمام‮ ‬يافندم وأنا‮ ‬غلطان دي تخاريف ع القهوة‮.. ‬ولكنه طمأني وقال لي رسالتك العفوية أثرت فيّ‮.. ‬وأنا سأصدر قرار‮ ‬غداً‮ ‬وأطالب فيه بعودة الجماهير بالصورة التي اقترحتها وأنا كلي ثقة في الشعب المصري لأن الخوف من حضور الجماهير حتي في أحلك الظروف والإرهاب‮.. ‬معناه ضياع هيبة مصر أمام العالم‮.. ‬خلاص‮ ‬يا مواطن‮.. ‬أنا باشكرك وانا تحت أمرك لأنك تمثل الشعب الطيب البسيط صاحب القرار‮.‬
‮ ‬وبعدين‮ ‬يا‮ ‬غلبان‮..‬
‮ ‬وبعدين إيه‮.. ‬صحتيني من أحلي نومه‮.. ‬وأحلي حلم‮.. ‬ومقابلة الريس‮.‬
‮ ‬روح‮ ‬يا شيخ ربنا‮ ‬يحقق أحلامك الكروية أنت واللي زيك ونتفرج علي المدرجات مليانه‮.. ‬يارب‮.‬