الحكمة الصينية "2"

"كان عايز يمسك إيدي.. قال إيه عايز يعديني" إفيه لسناء يونس في مسرحية "سك علي بناتك" كان بيخلينا نسخسخ علي روحنا من الضحك.. تذكرته وأنا أسمع حوار مستر ليو ايميين رئيس المنطقة الصناعية الصينية
-تيدا- علي خليج السويس اللي طورت وحدثت البنية الأساسية لمساحة 10 كيلو من المنطقة وضخت استثمارات تزيد علي 280 مليون دولار بنظام حق الانتفاع خلال 45 عاما التطوير شمل البنية الأساسية والمرافق وتوفير الخدمات الرئيسية للمشروعات مع إدارتها وتشغيلها وصيانتها والترويج لها ليه بقي؟ لجذب استثمارات ب1.5 مليار دولار من خلال 150 مشروعا تتيح 40 ألف فرصة عمل مباشرة وغير المباشرة طب عملوا إيه؟ خططوا لإقامة مدينة سكنية متكاملة الخدمات والمرافق لاستيعاب أعداد العمالة المتوقعة كمان انشأوا عدة مصانع وشركات ونظفوا وجملوا المنطقة الواقعة أمامها المشكلة أن الشركة حصلت علي 6 كيلو مترات أخري في مناقصة منذ أكثر من 7 أشهر لم تتسلمها حتي الآن عارفين ليه؟ لخلاف بين المستثمرين الصينيين ووزارة الاستثمار حول تطوير المنطقة وضخ استثمارات بها وعقدوا 9 جولات من المحادثات وماتفقوش علي حاجة والجولة العاشرة والأخيرة لم تبدأ بعد النتيجة هروب عدد كبير من المشروعات الصينية وبطء في الخطوات التنفيذية لعمليات التطوير السبب البيروقراطية في الإجراءات وعدم المرونة في القرارات وعدم الوضوح في القوانين كمان القرارات الفجائية دي بقي نفس الأساس اللي طرد المستثمرين المصريين بعد أن كانت المنطقة حلما استثماريا لهث وراءه الكثيرون.
شوف يا صاحبي لما أقولك مشروع تنمية منطقة شمال غرب خليج السويس فرصة لتحويلها إلي منطقة جذب عالمي للصناعات والخدمات اللوجيستية لتعظيم الاستفادة من الموقع الفريد للمنطقة مع التركيز علي الأنشطة كثيفة العمالة وذات القيمة المضافة للاقتصاد المصري لزيادة نسبة الصادرات خلال السنوات العشر القادمة إلي 7.2 مليار دولار كمان فرصة لإعادة التوازن إلي الميزان التجاري مع الصين اللي بيميل لصالحها بمقدار 4.5 مليار دولار في المتوسط ناس بتقول إن المسئولين خايفين من إغراق السوق بالمنتجات الصينية اللي ماحدش قادر عليها كمان الرعب من أن الصين اللي بدأت معنا مشوارها الاقتصادي تتحول إلي قوي امبريالية لأن القوانين الاقتصادية بتقول إن التراكم الرأسمالي لأي دولة بيحولها إلي قوي استعمارية تبحث عن الطاقة أو المواد الخام أو أسواق لتصريف منتجاتها شوف يا صاحبي لما أقولك أمريكا بجلالة قدرها علي لسان رئيسها أوباما قال الولايات المتحدة لا تسعي لاحتواء الصين بل علي العكس فإن صعود الصين كدولة قوية مزدهرة اقتصاديا يمكن أن يصبح مصدر قوة للمجتمع الدولي عارفين المؤرخ نيال فيرجسون Niall Ferguson طرح مفهوما أطلق عليه يعني بيتصور أن أمريكا في علاقة تكاملية أمريكا أكبر مستهلك الصين أكبر مدخر يعني أمريكا تدفع والصين تنتج عارفين الصين عمله في أمريكا إيه؟ دفعت لها أكثر من 10 تريليونات دولار علي سبيل السلف ومشترية ب750 بليون دولار سندات من الحكومة الأمريكية الكل بيحاول يكسب ود الصين ولكنها عايزه التعاون مع مصر يكون نموذجا للدول الأفريقية والعالم الثالث اللي بتعتبر نفسها واحدة منهم. شوف يا صاحبي لما أقولك احنا يجب أن نفرح بالنجم الصاعد الجديد لأنه مالوش سوابق استعمارية وفائضهم المالي مش حيحولهم إلي قوي إمبريالية استعمارية زي الغرب بس يكفوا هما نفسهم.
Moneim20hotmail.com