شعبولا يروي تفاصيل كسر قدمه بالمؤتمر الاقتصادي

أكد المطرب الشعبي شعبان عبد الرحيم أنه لا يخاف من أحد، ودلّل على ذلك بأنه قام بغناء أغنية "أنا بكره إسرائيل" خلال تواجده بالمؤتمر الاقتصادي بشرم الشيخ أمام وزير خارجية أمريكا جون كيري.
وقال شعبولا: "غنيتها وجون كيرى قاعد ماقدرش يفتح بقه، وأنا ما يهمنيش جون كيرى ولا جنكيز خان، ومش بخاف من حد، إسرائيل وداعش دول ناس أونطة، وتعبانين فى دماغهم، وبق على الفاضى، والسيسى إداهم على قفاهم ورجع قوام قوام، داعش وإسرائيل نفسهم يفرحوا فيا، بس ده بُعدهم، ومش هسيبهم، هخف وأرجعلهم تانى، وبتوع داعش وحماس وتركيا بيكرهونى كره العمى، علشان أنا الوحيد اللى بكيفهم بالأغنيات اللى بعملها ضدهم، وهم جبانات وشوية عيال، ومن الآخر كلام فاضى".
وأكد شعبان أنه تعافى بعد تعرض إحدى قدميه للكسر خلال تواجده بالمؤتمر الاقتصادي بشرم الشيخ، وقال: "محافظ جنوب سيناء اللواء خالد فودة هو اللي وجه لي الدعوة لحضور المؤتمر، المحافظ راجل محترم عايز الناس تيجى تتفرج على حلاوة شرم الشيخ، وأنا من ضمن الحلاوة، انا أول ما شفت المحافظ، جريت علشان أسلم عليه، فوقعت ورجلى اتكسرت، وراح المحافظ ساندنى وقالى سلامتك يا شعبولا".