بالفيديو : التراس الزمالك يتهم الاخوان بالوصولية والخيانة .. والشاهد محمد محمود

هاجمت رابطة مشجعي نادي الزمالك " الوايت نايتس " جماعة الاخوان المسلمين وذراعها السياسي " حزب الحرية والعدالة" ورئيسهم محمد مرسي واتهمتهم بخيانة الثورة ، مؤكدة أن شارع محمود محمود هو عنوان الخيانة بعدما أصر الاخوان بعد استيلائهم على السلطة على أن الشرعية في البرلمان وليست في الميدان وأن ما يحدث في شارع محمد محمود تقوم به مجموعة من البلطجية وذلك من خلال أغنية تم طرحها حاليا احتفالا بالذكرى الثانية لثورة الغضب في الخامس والعشرين من يناير .
وتتناول الاغنية تاريخ قيام الثورة منذ انطلاقها حتى سقوط الرئيس مبارك ونظام حكمه مرورا بالمجلس العسكري الذي حكم البلاد لفترة انتهاء باستيلاء الاخوان المسلمين على السلطة بعدما ركبوا الثورة وجنوا ثمارها وحدهم .
كما تناولت الاغنية ايضا وعد التراس وايت نايتس باستمرار الثورة لتحقيق كامل أهدافها .
كلمات الأغنية :
أول ما عينيا اتفتحت لقيت الكون كله ظلام
و اللى عايز يكسب فيه لازم يعيش م الحرام
بلدي خيرها مش ليها إحنا خدامين النظام
اه يا بلادي مش هقدر أعيش فيكي ولا يوم تاني
كتموا صوتي و مصوا دمي و سرقوا كل أحلامي
دم فاسد للغلابة و مصايب المستشفيات
حتي اللقمة مش لاقيينها و زوروا الإنتخابات
التعذيب فى الأقسام و السجون مليانة أموات
أي حد يقول حقيقة يبقي خارج ع القانون
و اللى يقول لأ للنظام إعلامهم خلاه مجنون
فى البداية شوفنا تونس كنا بيها مبهورين
امتي الدور ييجي علينا شعبنا نايم من سنين
لازم نقضى على الفساد وهننزل 25
كان إحساس ميتوصفش وإحنا واقفين فى الميدان
كتفى فى كتف اخويا واختى بينهم حاسس بالامان
قامت ثورة التحرير فى يوم جمعة الغضب
فاكرين كوبرى قصر النيل شيخ بيصلى واتضرب
مهما ضربتوا بالرصاص مهما نشن القناص
جيش الحق والخلاص فاتح صدره عايز الموت
حرب بين الخير والشر وخلاص مفيش سكوت
فاكرين وسط الاشتباكات قطعوا كل الاتصالات
وَلعنا المدرعات بالشماريخ والباراشوتات
راح الحاكم للسجان قاله اضرب فى المليان
امن الدولة تشهد على كل خاين فيكوا