حتى خوخة طلعت فلول .. يا خسارة عالم سمسم!

حالة ضحك هستيرية انتابت الفيسبوكيين بعدما عرضت إحدى الصفحات فيديو بعنوان " خوخة طلعت فلول .. يا خسارة عالم سمسم"، وهو إعلان قديم كان للشخصية خوخة إحدى بطلات مسلسل الأطفال عالم سمسم الشهير، لتظهر مع سوزان مبارك سيدة مصر الأولى في ذلك الوقت، لحث الأطفال على القراءة في سلسلة حملات "القراءة للجميع".
فقد اعتبر الفيسبوكيون ظهور خوخة مع سوزان أكبر دليل على أنها من فلول النظام السابق، في حين أخذ البعض يبرر لخوخة ذلك التصرف باعتبار أنها ربما قد تكون تعرضت لضغط أجبرها على الظهور مع سوزان مبارك.
وهذه بعض التعليقات الضاحكة علي الفيسبوك:
- يا ناس حرام عليكم حد عارف خوخة اتعرضت لإيه عشان ترضخ؟ مش يمكن أهلها اتكهربوا وانضربوا قدمها؟ خلاص بقى المسامح كريم.
- طفولتي ادمرت!
- انا جبت دبدوب لبنتي النهاردة , مصيبة ليكون فلول هو كمان
- الحلقه اللى بعديها كانت مبارك وفلفل
- قابضين يا خوخة ...اقصد اسفين يا خوخة
- خوخة انضربت في أمن دولة عشان تطلع معها
- فلفل و نمنم ايد خفيه تعبث بعالم سمسم
- كلنا عالم سمسم
- اكيد خوخة دي كانت بتنزل العباسية.. تبا لها
- خوخة عكاشة!
- ديه عيلة صغيرة يعني مش فاهمة حاجة!
- خوخة مالهاش ذنب .... اسألوا الظروف
- دفعولك كام يا خوخه المجد لفلفل و نمنم
- الحمد الله ان نمنم شريف