نشطاء بعد الحكم ببراءة متهمين "فرم مستندات امن الدولة" : كفاية يا شامخ!!

"طبعا بعد الحكم ببراءة حسن عبد الرحمن من قضية مستندات أمن الدولة هيرفع قضية ويطالب بعودته لمنصبه وتعويض مادي عما لحق به من أضرار مادية ومعنوية تبا لكم يا شامخي مصر".. تعليق تفاعل به عوض ابو الحسن مع الحكم ببراءة المتهمين في قضية فرح مستندات امن الدولة المتهم فيها اللواء حسن عبدالرحمن المدير السابق لها وجميع المتهمين الاخرون
فعبر مواقع التواصل الاجتماعي أكد الشباب الي انها صدمة جديدة تضاف الي صدمات الشعب المصري من القضاء،"فقال عوض ابو الحسن:" طبعا بعد الحكم ببراءة حسن عبد الرحمن من قضية مستندات أمن الدولة هيرفع قضية ويطالب بعودته لمنصبه وتعويض مادي عما لحق به من أضرار مادية ومعنوية تبا لكم يا شامخي مصر"
محمد عمار :"كل شوية القضاء يصدمنا براءة عبدالرحمن هو كمان .. كفاية ياشامخ تعبنا من كثرة البراءات!"
عبدالله هشام لا تتعجب من أى حكم براءة لرموز واعوان النظام السابق ....فقد يظن المجرم انه قد نجا بفعلته فى الدنيا . فأيامه فيها و إن طالت ستنتهى ...و عذاب الأخرة هو أشد و أبقى"
التطهير الشامل
وطالب فريق من النشطاء بسرعة اجراء عملية تطهير شاملة لسلك القضاء فقال حسام محمد:"حتى ينسى التاريخ........شعب قام على نظام و دخله السجون و رجع تاني يقول ولا يوم من ايامك يا نظام.....قام النظام خرج من السجون و رجع بقوة أكتر من الأول و ده بفضل طبعاً القضاء الشامخ .....عرفتوا ليه القضاه مش عايزين مجلس الشورى يناقش قانون السلطة القضائية؟"
حماده رشاد:" إذا وافق القضاء أن يتحدث الزند بإسمهم فماذا تنتظر منهم هل هناك شموخ أكثر من هذا"
احمد محرم:"الظاهر ان موضوع جميع الشباب والشهداء اللي اتقتلوا واستشهدوا في أيام الثورة ده ... كان اسكرين سيفر ..... !!!! إحنا بس اللي مش فاهمين كويس ... هههه"
ابراهيم العطار:"القضاء لم يأت بحق من فرم أمن الدولة لحمهم أحياء فهل سيأتي بحق البلد في فرم حبة ورق"
حسام يوني:" في ظل غياب الامن والدولة حسن عبدالرحمن مفرمش مستندات امن الدولة ده فرم الامن وفرم الدولة !!والبركة في القضاء المصري الشامخ. لسه عندنا فرصة؟"
علي خفاجي:" 41 يخرجوا براءة !!!!!! امال الدخان اللى خارج من مقر امن الدولة ب 6 اكتوبر دة اية !!! ولا الورق المفروم اللى خرج من مقر مدينة نصر !!!! طب الرباط الصليبى بتاع رجلى اللى اتقطع واحنا بنحاول ندخل مقر امن الدولة عشان نمنعهم من حرق وفرم المستندات .... طب احنا هندخل السجن امتى لمحاولتنا اننا نمنعهم يفرموا المستندات ؟! لفقى يا داخلية ... واحكم يا شامخ."
اسئلة حائرة
وتسائل محمد علي قائلا:"وبعد البراءة المعتادة ينضم السؤال الجديد إلى جوار إخواته المعلقين بغير إجابة مين فرم الملفات ؟مين قتل المتظاهرين ؟، مين سرق مصر ؟، مين ظلم الشعب؟، لماذا ثار المصريون و على من ثاروا إذا كان الجميع أبرياء ؟؟؟وتظل علامة الاستفام شامخة انه لا توجد إجابات على هذه الأسئلة !!!!!!!!"
رمضان محمد:"بعد كل الناس دي ما اخدت براءة . آخر حكم للشامخ هيكون براءة جميع المتهمين وحبس الشعب بتهمة البلاغ الكاذب . وهنا المنطق بلع لسانه"
فادي محمد:" براءة جميع المتهمين من إتلاف مستندات أمن الدوله!!يا جدعان عملتوا ثورة ليه طالما لأحد سرق ولا تلاعب بالبورصه داأتنوا كنتوا عايشين سويسرا .. عبث"
حازم الحافظ:" الطرف التالت فرم مستندات أمن الدولة و حسن عبد الرحمن بريء !!أشمخ كمان لسه ماشبعناش شمخ !"